រាជធានីភ្នំពេញ ៖ រដ្ឋសភានៅព្រឹកថ្ងៃទី៧ ខែធ្នូ ឆ្នាំ២០១៧នេះ បានបោះឆ្នោតផ្តល់សេចក្តីទុកចិត្តដល់សមាជិកគណៈកម្មាធិការជាតិរៀបចំការបោះឆ្នោតថ្មីជាស្ថាពរហើយ។
សមាជិក គ.ជ.ប ថ្មី មានលោក នុត សុខុម អនុប្រធាន គ.ជ.ប. លោក ឌឹម សុវណ្ណារុំ សមាជិក និងលោក ហ៊ែល សារ៉ាត់សមាជិក។
សមាជិករដ្ឋសភាដែលចូលរួមប្រជុំ និងបោះឆ្នោតផ្តល់សេចក្តីទុកចិត្តដល់សមាជិក គ.ជ.ប ថ្មីមានចំនួន១០២ រូប។
នៅព្រឹកថ្ងៃដដែរលនេះ រដ្ឋសភាក៏បានប្រកាសផ្តល់សុពលភាពដល់អ្នកតំណាងរាស្ត្រថ្មីចំនួន១៦ រូបរួចហើយដែរ។ សន្លឹកឆ្នោត ព្រមទទួលស្គាល់សមាជិក គ.ជ.ប. សរុប១០៤ សម្លេង អនុប្បវេទគ្មាន មោឃគ្មាន។
រដ្ឋសភានៃព្រះរាជាណាចក្រកម្ពុជា នៅព្រឹកថ្ងៃទី៧ ខែធ្នូ ឆ្នាំ២០១៧ នេះ បានបើកសម័យប្រជុំពេញអង្គ ដើម្បីប្រកាសផ្តល់សុពលភាពដល់អ្នកតំណាងរាស្ត្រ និងសមាជិកគណៈកម្មាធិការជាតិថ្មីសរុបចំនួន១៦រូប។
សម័យប្រជុំរដ្ឋសភា ក្រោមអធិបតីភាពសម្តេច ហេង សំរិន ប្រធានរដ្ឋសភា និងមានការចូលរួមពីសមាជិកសភា សរុប១០២រូប។ អ្នកតំណាងរាស្ត្រថ្មី និងសមាជិក គ.ជ.ប មកពីគណបក្សប្រជាជនកម្ពុជា ១១ថ្មី ៤រូបថ្មី ជំនួសសមាជិករដ្ឋសភាសុំលាលែងពីតំណែង និង១រូបមកពីគណបក្សហ៊្វុនស៊ិនប៉ិច និងសមាជិក គ.ជ.ប ថ្មីចំនួន៣ មានលោក នុត សុខុម អនុប្រធាន គ.ជ.ប. លោក ហ៊ែល សារ៉ាត់ សមាជិក និងលោក ឌឹម សុវណ្ណារុំ សមាជិក៕
ចែករំលែកព័តមាននេះ