ខេត្តសៀមរាប ៖ នៅស្នងការដ្ឋាននគរបាលខេត្តសៀមរាប មានរៀបចំពិធីប្រកាសផ្ទេរភារកិច្ចតែងតាំងមុខតំណែង និងបំពាក់ឋាន្តរសក្តិបំពាក់គ្រឿងឥស្សរិយយស និងប្រគល់ប័ណ្ណសរសើរជូនមន្ត្រីនគរបាលជាតិនៃស្នងការដ្ឋាននគរបាលខេត្ត នាថ្ងៃទី០៥ ខែធ្នូ ឆ្នាំ២០១៧ ។
ក្រោមអធិបតីភាពលោកឧត្តមសេនីយ៍ឯក ប៉ែន វិបុល អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិកតំណាងដ៍ខ្ពង់ខ្ពស់ លោកនាយឧត្តមសេនីយ៍សន្តិ បណ្ឌិតនេត សាវឿន អគ្គស្នងការនគរបាលជាតិ ក្រសួងមហាផ្ទៃ និងលោកសង់ រីហា អភិបាលរងខេត្ត តំណាងលោក បណ្ឌិត ឃឹម ប៊ុនសុង អភិបាលនៃគណៈអភិបាលខេត្តសៀមរាបជាគណៈអធិបតី ដោយមានការចូលរួមពីសំណាក់ អស់លោក ស្នងការ លោកស្នងការរង នាយ នាយរងការិយាល័យ អធិការ អធិការរង ប៉ុស្តិ៍នគរបាលរដ្ឋបាល និង តំណាងមន្ទីរអង្គភាពពាក់ព័ន្ធជុំវិញខេត្តជាច្រើនផងដែរ ។
បន្ទាប់ពីលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្ត កងកម្លាំងនគរបាលខេត្តបានអនុវត្តកន្លងមក ជូនអង្គពិធីរួចមក លោកឧត្តមសេនីយ៍ទោ ហៅ ចាន់សុទ្ធី អនុប្រធាននាយកដ្ឋានបុគ្គលិក និងលោកប៉ឹង បូរ៉ា ប្រធានការិយាល័យ លើកសរសើរ និងជូនរងា្វន់នៃនាយកដ្ឋានបុគ្គលិកបានឡើងអានព្រះរាជក្រិត្យអនុក្រិត្យនិងប្រកាសក្រសួងមហាផ្ទៃស្តីពីការ តំឡើងឋាន្តរសិក្តិនិងបំពាក់គ្រឿងឥស្សរិយយស។
ក្នុងឱកាសនាពេលនោះ លោកឧត្តមសេនីយ៍ឯក ប៉ែន វិបុល អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិកតំណាងដ៍ខ្ពង់ខ្ពស់ លោកនាយឧត្តមសេនីយ៍សន្តិ បណ្ឌិតនេត សាវឿន អគ្គស្នងការនគរបាលជាតិ ជូនដល់នាយនគរបាលជាន់ខ្ពស់ ថ្នាក់ឧត្តមសេនីយ៍ត្រី ចំនួន១១រូប ថ្នាក់វរសេនីយ៍ឯក១៧រូប ថ្នាក់វរសេនីយ៍ទោ ចំនួន២រូប ថ្នាក់វរសេនីយ៍ត្រី ចំនួន១៨រូប ថ្នាក់អនុសេនីយ៍ឯក ចំនួន៤រូប និងបានបំពាក់គ្រឿងឥស្សរិយយស និងប្រគល់ប័ណ្ណសរសើរផងដែរ ។
លោកសង់ រីហា អភិបាលរងខេត្ត និងលោកឧត្តមសេនីយ៍ឯក ប៉ែន វិបុល ផ្តាំផ្ញើរ កងកម្លាំងនគរបាលទាំងអស់ បង្កើនការយកចិត្តទុកដាក់កំណែទម្រង់ពង្រឹងកងកម្លាំងនគរបាលយើងក្នុងការងារសន្តិសុខសុវត្ថិភាពសណ្ដាប់ធ្នាប់សង្គមជូនប្រជាពលរដ្ឋទូទាំងខេត្ត ក៏ដូចជាភ្ញៀវទេសចរណ៍ជាតិ អន្តរជាតិឲ្យបានកាន់តែល្អប្រសើរឡើងថែមទៀត ពិសេសត្រូវបន្តជំរុញការផ្សព្វផ្សាយនូវគោលនយោបាយភូមិ-ឃុំមានសុវត្ថិភាពជំរុញចលនាប្រជាការពារ ភូមិ- ឃុំ និង គោលបំណងពង្រឹងការងារប៉ុស្តិ៍នគរបាលរដ្ឋបាលឲ្យមានប្រសិទ្ធភាព និងតួនាទីភារកិច្ចដែលបានកំណត់ធានាបាននូវសុវត្ថិភាពផ្លូវកាយ និងផ្លូវចិត្ត រួមចំណែកអនុវត្តន៍កម្មវិធីនយោបាយ យុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលក៏ដូចជាផែនការយុទ្ធសាស្ត្ររយៈពេល ០៥ឆ្នាំលើកទី២ របស់នគរបាលជាតិឲ្យទទួលបានជោគជ័យ ៕
ចែករំលែកព័តមាននេះ