ខេត្តកំពង់ស្ពឺ ៖ មេកន្ទុយលេខដុះស្លែ២នាក់ប្រចាំស្រុកបសេដ្ឋ ដែលប្រជាពលរដ្ឋធ្លាប់រាយការណ៍ឱ្យសមត្ថកិច្ចនគរបាលបង្ក្រាប តែមិនមានលទ្ធផលនោះ ពេលនេះ ត្រូវបានកម្លាំងអាវុធហត្ថខេត្តចុះបង្ក្រាបបានជាក់ស្តែង ព្រមទាំងដកហូតវត្ថុតាងមួយចំនួនទៀតផង ។
ការបង្ក្រាបធ្វើឡើង កាលពីវេលាម៉ោង០៣ និង៤០នាទីរសៀលថ្ងៃទី០៥ ធ្នូ ស្ថិតនៅចំណុចភូមិដូនពេញ ឃុំទួលសាលា ស្រុកបរសេដ្ឋ ខេត្តកំពង់ស្ពឺ ។ មេកន្ទុយលេខទាំង២នាក់ ដែលខាងប៉េអឹមបង្ក្រាបមានឈ្មោះ ដូចខាងក្រោម ១-ឈ្មោះហៀង ឃីម ភេទប្រុស អាយុ៤៧ឆ្នាំ មេកន្ទុយលេខ មានទីលំនៅភូមិ-ឃុំខាងលើ និង២-ឈ្មោះខេង ផល្លី ភេទស្រី អាយុ៣៧ឆ្នាំ ជាមេកន្ទុយលេខ រស់នៅជាមួយគ្នា ។
ក្នុងនោះ កម្លាំងដកហូតបានវត្ថុតាង មានលុយខ្មែរ១៥២ម៉ឺនរៀល, លុយបាត160បាត, ក្រដាសរ៉ាម 3ដុំ,
កាស្សូ២៥, ប៊ិច៣ដើម,ក្រដាស់កន្ទុយលេខធំកត់រួច៧២សន្លឹក, ក្រដាសកត់កន្ទុយលេខខ្នាតតូចមួយចំនួន
ធំ, ទូរស័ព្ទ ២គ្រឿង និងដែកកឹប១ ។
ចែករំលែកព័តមាននេះ