ត្រៀមផ្លាស់លំនៅឋានទៅកន្លែងថ្មីស្រាប់តែប្រទះរបស់មួយធ្វើឱ្យគាត់ភ័យខ្លាច
- កំពត
ខេត្តកំពត ៖ ប្រជាពលរដ្ឋម្នាក់ឈ្មោះ សុខ គឹមយឿង ភេទប្រុស អាយុ៣៨ឆ្នាំ រស់នៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត…
ខេត្តកំពត ៖ ប្រជាពលរដ្ឋម្នាក់ឈ្មោះ សុខ គឹមយឿង ភេទប្រុស អាយុ៣៨ឆ្នាំ រស់នៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត…
ខេត្តកំពត ៖ ប្រជាពលរដ្ឋម្នាក់ឈ្មោះ សុខ គឹមយឿង ភេទប្រុស អាយុ៣៨ឆ្នាំ រស់នៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត បានប្រាប់អ្នកយកព័ត៌មានកាលពីរសៀលថ្ងៃទី៥ ខែធ្នូ ឆ្នាំ២០១៧ ថាពេលដែលរូបគាត់ត្រៀមផ្លាស់លំនៅឋានមករស់នៅភូមិអណ្តូងខ្មែរ សង្កាត់អណ្តូងខ្មែរ ក្រុងកំពត នៅពេលក្រុមជាង និងកម្មករកំពុងធ្វើការសាងសង់ក៏បានប្រទះឃើញគ្រាប់កាំភ្លើងត្បាល់ទំហំ៨២មីលី្លម៉ែត្រមួយគ្រាប់ដែលបន្សល់កាលពីសម័យសង្គ្រាម ហើយត្រូវបានជនមិនស្គាល់មុខយកមកប្លុងចោលនៅគល់ដើមអាកាស្យានៅក្បែររបងខាងកើតផ្ទះរបស់ខ្លួន រូបគាត់មានការភ័យខ្លាចក៏បានរាយការណ៍ជូនប៉ុស្តិ៍រដ្ឋបាលសង្កាត់អណ្តូងខ្មែរដើម្បីជួយយកទៅកំទេចចោលឬប្រគល់ជូនស៊ីម៉ាក់ឲ្យយកទៅកំទេចចោល ។ ហេតុការប្រទះឃើញគ្រាប់នេះស្ថិតនៅចំណុចផ្លូវចូលទៅខ្មោចចោរក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ។
លោកអនុសេនីយឯក ដា រ៉ា មេប៉ុស្តិ៍រដ្ឋបាលសង្កាត់អណ្តូងខ្មែរបានឲ្យដឹងថា គ្រាប់កាំភ្លើងត្បាល់នេះជាគ្រាប់មិនទាន់ផ្ទុះ ប៉ុន្តែទោះបីវាចាស់មែនបើយើងទៅប៉ះពាល់វា ឬអ្នកមិនដឹងយកទៅដុតវាអាចផ្ទុះបាន ដូច្នេះក្រោយពីមានសេចក្តីរាយការពីប្រជាពលរដ្ឋលោកក៏មានការចាប់អារម្មណ៍យ៉ាងខ្លាំងចំពោះបញ្ហានេះ ទោះបីលោកមិនមានបច្ចេកទេសក្នុងការកំទេចចោលក៏លោកត្រូវជួយអន្តរាគមជូនពលរដ្ឋដើម្បីយកស្លាកសញ្ញាទៅដាក់កន្លែងនោះឲ្យប្រជាពលរដ្ឋដឹង និងមានការប្រុងប្រយ័ត្នដែរ ហើយលោកនឹងបន្តរាយទៅថ្នាក់លើដើម្បីថ្នាក់លើរាយការជូនក្រុមស៊ីម៉ាក់ឲ្យមកយកចេញពីកន្លែងឃើញ ឬមានវិធានការកំទេចចោលនៅទីនោះ ៕
ចែករំលែកព័តមាននេះ