រាជធានីភ្នំពេញ ៖ អគ្គមេបញ្ជាការកងទ័ពនឹងដាក់ពាក្យបណ្តឹងទៅតុលាការប្តឹងលោកសម រង្ស៊ី អតីតប្រធានគណបក្សសង្គ្រោះជាតិ សម្រាប់ការចោទប្រកាន់ថា អតីតមេបក្សប្រឆាំងរូបនេះ បានបំផុសឲ្យកងទ័ពប្រឆាំងនឹងសម្តេច ហ៊ុន សែន។…
រាជធានីភ្នំពេញ ៖ អគ្គមេបញ្ជាការកងទ័ពនឹងដាក់ពាក្យបណ្តឹងទៅតុលាការប្តឹងលោកសម រង្ស៊ី អតីតប្រធានគណបក្សសង្គ្រោះជាតិ សម្រាប់ការចោទប្រកាន់ថា អតីតមេបក្សប្រឆាំងរូបនេះ បានបំផុសឲ្យកងទ័ពប្រឆាំងនឹងសម្តេច ហ៊ុន សែន។ នេះបើតាមប្រសាសន៍សម្តេចនាយករដ្ឋមន្ត្រី ហ៊ុន សែន បានថ្លែងប្រាប់កម្មករជាងមួយម៉ឺននាក់នៅតំបន់អូដឹម នៅព្រឹកថ្ងៃទី០៦ ធ្នូនេះ។
ប្រតិកម្មនេះបានកើតឡើង បន្ទាប់ពីលោក សម រង្ស៊ី អតីតប្រធានគណបក្សសង្គ្រោះជាតិ ដែលតុលាការកំពូលរំលាយគណបក្សប្រឆាំងនេះចោលកាលពីថ្ងៃទី ១៦ វិច្ឆិកានោះ ដែលកំពុងនិរទេសខ្លួននៅក្រៅប្រទេស បានអំពាវនាវឱ្យកងទ័ពកុំធ្វើតាមបញ្ជាសម្តេចនាយករដ្ឋមន្ត្រី ហ៊ុន សែន។
លោក សម រង្ស៊ី បានសរសេរលើទំព័រហ្វេសប៊ុកដូច្នេះថា៖ «សូមកងកម្លាំងប្រដាប់អាវុធ ពលទាហាន និងនគរបាល កុំធ្វើតាមបញ្ជាពីមេដឹកនាំផ្តាច់ការ បើគេបញ្ជាឲ្យបាញ់ប្រហារ និងសម្លាប់ប្រជាពលរដ្ឋស្លូតត្រង់»។
សម្តេចនាយករដ្ឋមន្ត្រី ហ៊ុន សែន បានថ្លែងបន្តថា នេះគឺជាបទល្មើសដែលញុះញង់ឱ្យកងទ័ពមិនស្តាប់បញ្ជា ហើយរដ្ឋាភិបាលកាន់តែមានចំណាត់សមស្រប ក្នុងការរំលាយគណបក្សប្រឆាំង និងកាត់ទោសជនក្បត់ជាតិឱ្យត្រឹមត្រូវតាមច្បាប់៕
ចែករំលែកព័តមាននេះ