ខេត្តស្វាយរៀង ៖ ចូរក្រឡេកមើលរថយន្តធុនយក្សដឹកទំនិញខ្ពស់កប់ពពក មួយថ្ងៃៗដូចគេហែកឋិនផ្ទុកទំនិញចាប់ពី៤០ទៅ៥០តោនក្នុងមួយគ្រឿង ចេញពីក្រុងបាវិតឆ្ពោះទៅរាជធានីភ្នំពេញ ធ្វើឲ្យបាក់ស្រុតផ្លូវ និងអាចឈានទៅបាក់ស្ពាននៅថ្ងៃមុខទៀត។ ក៏ប៉ុន្តែគ្មានឃើញសមត្ថកិច្ចណាអើពើ ឬចាត់វិធានការសោះចំណែកមន្ទីរជំនាញ ជួសជុលខាងមុខខូចខាងក្រោយ។…
ខេត្តស្វាយរៀង ៖ ចូរក្រឡេកមើលរថយន្តធុនយក្សដឹកទំនិញខ្ពស់កប់ពពក មួយថ្ងៃៗដូចគេហែកឋិនផ្ទុកទំនិញចាប់ពី៤០ទៅ៥០តោនក្នុងមួយគ្រឿង ចេញពីក្រុងបាវិតឆ្ពោះទៅរាជធានីភ្នំពេញ ធ្វើឲ្យបាក់ស្រុតផ្លូវ និងអាចឈានទៅបាក់ស្ពាននៅថ្ងៃមុខទៀត។ ក៏ប៉ុន្តែគ្មានឃើញសមត្ថកិច្ចណាអើពើ ឬចាត់វិធានការសោះចំណែកមន្ទីរជំនាញ ជួសជុលខាងមុខខូចខាងក្រោយ។ បញ្ហានេះបានធ្វើឲ្យមហាជនមានចម្ងល់ចំពោះជញ្ជីងថ្លឹងរថយន្ត ដាក់តាមបណ្តោយផ្លូវជាតិលេខ១ មានរហូត៤កន្លែងឯណោះ ក៏ប៉ុន្តែរថយន្តដឹកទំនិញលើសទម្ងន់ និងដឹកខ្ពស់កប់ពពក សំពីងសំពោង នៅតែចរាចរណ៍យ៉ាងរលូន។ ជាពិសេសក្រសួងសាធារណៈការ និងដឹកជញ្ជូនបានចេញសាចរណ៍ណែនាំឲ្យមន្ទីរជំនាញចាត់វិធានការក្តៅ ចាប់រថយន្តដែលកែច្នៃទ្រុងខុសបច្ចេកទេសនៃប្រទេសផលិត កាត់ទ្រុង និងកាត់កន្ទុយ តហួសសាក់ស៊ី។
តែម្ចាស់រថយន្ត មិនព្រមកាត់ចេញដោយលើកទូកុងតឺន័រ ដាក់ចូលក្នុងទ្រុងរថយន្ត ខុសបច្ចេកទេស ហើយដាក់ទំនិញក្នុងកុងតឺន័រពេញហើយដាក់ទំនិញពីលើដំបូលកុងតឺន័រទៀតឡើងសំពីងសំពោងកប់ពពកក្នុងមួយគ្រឿងៗដឹកទំនិញចាប់ពី៤០តោនទៅ៥០តោនកំពុងបំផ្លាញផ្លូវ និងស្ពាន ក៏ប៉ុន្តែមន្ត្រីប្រចាំការតាមស្ថានីយជញ្ជីងប្រាប់រថយន្តប្រភេទ វ៉េអង ដាក់ទូកុងតឺន័រពីលើទ្រុង ចំណុះច្បាប់អនុញ្ញាត៤០តោន ហើយមើលទៅឃើញដឹកខ្ពស់ៗ នោះមិនលើសទម្ងន់ទេ គឺដឹកទំនិញចាប់ហួយគឺស្រាលៗ គ្រាន់តែសំពីងសំពោងប៉ុណ្ណោះ។ទាក់ទិនករណីខាងលើនេះដែរលោក នួន លីហួន ប្រធានមន្ទីរសាធារណៈការ និងដឹកជញ្ជូនខេត្តស្វាយរៀង បានមានប្រសាសន៍តាមទូរសព្ទ័ នៅវេលាម៉ោង៣ និង១៥នាទីរសៀល ថ្ងៃទី០៥ ធ្នូ ២០១៧ថា បញ្ហារថយន្តប្រភេទ វ៉េអង ច្នៃដាក់ទូកុងតឺន័រនេះ លោកមិនដឹងច្បាស់ថា ទម្ងន់ច្បាប់កំណត់ប៉ុន្មានតោនទេ សូមឲ្យសួទៅលោក សេង ឈួន រដ្ឋលេខាធិការ ក្រសួងសាធារណៈការ និងដឹកជញ្ជូន ទើបច្បាស់ ពីព្រោះលោក សេង ឈួន ជាប្រធានគណៈកម្មាធិការអន្តរក្រសួងគ្រប់គ្រង និងបង្ក្រាបយានយន្តដឹកលើសទម្ងន់។
ចំណែកលោក សេង ឈួន រដ្ឋលេខាធិការក្រសួងសាធារណៈការ និងដឹកជញ្ជូនវិញ ទូរសព្ទ័ចូលហើយ លោកឆ្លើយថា ជាប់រវល់ប្រជុំ នៅក្រសួង។ ទាក់ទិនករណី រថយន្តធុនយក្ស ដឹកលើសទម្ងន់កំពុងបំផ្លាញផ្លូវនេះដែរ យោងតាមគណៈកម្មាធិការអន្តរក្រសួង បានឲ្យដឹងថា យានយន្តប្រភេទ វ៉េអង ចំណុះ ៤០តោនលើសបានត្រឹម៣តោន ស្មើ៤៣តោន បើលើសដល់៤៣តោន ១០០គីឡូ ត្រូវផាកពិន័យ ហើយបើលើសដល់ទៅ៥តោន ឬ១០តោនត្រូវតែផាកពិន័យ និងតម្រូវឲ្យផ្ទេរទំនិញ។ រីឯយានយន្តកែច្នៃ ប្រភេទ វ៉េអងដែរ ក៏ប៉ុន្តែកែច្នៃលើកទូកុងតឺន័រ ដាក់ក្នុងទ្រុងគឺខុសបច្ចេកទេស គឺខុសច្បាប់ទៅហើយមិនចាំបាច់ថ្លឹងទម្ងន់ទេ ការកែច្នៃយានយន្តខុសបច្ចេកទេសគឺមានហានីភ័យគ្រោះថ្នាក់ចរាចរណ៍ខ្ពស់ និងនាំឲ្យខូចផ្លូវថ្នល់។ ហើយមហាជនបានរិះគន់ទៀតថា គេឃើញមានរថយន្ត មានស្លាកយីហោ អក្សរ H.C ធ្វើចរាចរណ៍ច្រើនតាមដងផ្លូវជាតិលេខ១ គឺកែច្នៃលើកទូកុងតឺន័រដាក់លើទ្រុងរថយន្តប្រភេទវ៉េអង៕
https://youtu.be/Mbt4z5u_bls
ចែករំលែកព័តមាននេះ