រាជធានីភ្នំពេញ ៖ លោកលី សុផាន់ណា ព្រះរាជអាជ្ញារងនិងជាអ្នកនាំពាក្យសាលាដំបូងរាជធានីភ្នំពេញនៅរសៀលថ្ងៃទី៥ ធ្នូ នេះ បានបញ្ជាក់តាមតេឡេក្រាមថា លោកគី ឫទ្ធី…
រាជធានីភ្នំពេញ ៖ លោកលី សុផាន់ណា ព្រះរាជអាជ្ញារងនិងជាអ្នកនាំពាក្យសាលាដំបូងរាជធានីភ្នំពេញនៅរសៀលថ្ងៃទី៥ ធ្នូ នេះ បានបញ្ជាក់តាមតេឡេក្រាមថា លោកគី ឫទ្ធី ចៅក្រមស៊ើបសួរក្នុងសំណុំរឿងលោក កឹម សុខា «បានសម្រេចបដិសេធ» ចំពោះការស្នើសុំរបស់លោករ៉ុង ឈុន អតីតសមាជិកគណៈកម្មាធិការជាតិរៀបចំការបោះឆ្នោត (គ.ជ.ប) និងអតីតប្រធានសមាគមគ្រូបង្រៀនកម្ពុជាឯករាជ្យ (CITA) ដែលបានស្នើសុំដឹកនាំតំណាងសហភាពសហជីព និងបុគ្គលិកសមាគមគ្រូបង្រៀនឯករាជ្យទៅជួបលោក កឹម សុខា នៅថ្ងៃទី១០ ធ្នូ ២០១៧ ។
លោករ៉ុង ឈុន នៅថ្ងៃទី៥ ធ្នូ នេះ បានដាក់លិខិតមួយច្បាប់ទៅសាលាដំបូងរាជធានីភ្នំពេញ ដើម្បីដឹកនាំគ្រូបង្រៀនមួយក្រុ មនិងតំណាងសហជីពទៅជួបលោក កឹម សុខា នៅថ្ងៃទី ១០ ធ្នូ ខាងមុខ នៅក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ ។
គួរបញ្ជាក់ថា លោកកឹម សុខា ត្រូវបានចាប់ខ្លួនកាលពីថ្ងៃទី២ កញ្ញា ឆ្នាំ២០១៧ ដោយសមត្ថកិច្ចរដ្ឋាភិបាល
កម្ពុជា បន្ទាប់ពីចោទប្រកាន់ថា ឃុបឃិតជាមួយបរទេស ក្រោយពេលវីដេអូសម្លេង ដើម្បីរបស់លោកកឹម សុខា បានបែកធ្លាយ ។ សាលាដំបូងរាជធានីភ្នំពេញ សាលាឧទ្ទរណ៍ និងតុលាការកំពូល បានបដិសេធការសុំនៅក្រៅឃុំបណ្តោះអាសន្នរបស់ជនជាប់ចោទ និងការប្តឹងប្រឆាំងការឃុំខ្លួន ៕
ចែករំលែកព័តមាននេះ