កាណាដា ៖ តាមប្រភពព័ត៌មាន Oddity Central បានឲ្យដឹងថា ស្ត្រីអាយុ៣២ឆ្នាំម្នាក់អាចរកចំណូលបាន៧ម៉ឺនដុល្លារក្នុងមួយឆ្នាំ ដោយសារតែថតរូបបាតជើងរបស់ខ្លួនបង្ហោះចូលក្នុង Instagram។
Jessica Gould ដែលរស់នៅក្នុងទីក្រុងតូចមួយក្នុង Ontario ប្រទេសកាណាដា បានបង្ហោះរូបបាតជើងរបស់ខ្លួនឯង ដើម្បីរកប្រាក់ចំណូល។ ពេលដំបូងឡើយ នាងមិនដឹងថា ការបង្ហោះបែបនេះអាចរកលុយបាននោះទេ។ នាងគ្រាន់តែបង្ហោះដើម្បីកំដរភាពអផ្សុកតែប៉ុណ្ណោះ។
នាងមិនដឹងសោះឡើយថា មានមនុស្សមួយចំនួនចាប់អារម្មណ៍ជាមួយនឹងរូបបាតជើងរបស់នាង។ ពួកគេហ៊ានឲ្យប្រាក់ទៅនាង ដើម្បីបានឃើញនាងបង្ហោះរូបបាតជើងថ្មីៗទៀតនៅលើ Instagram។ មានអ្នកខ្លះឲ្យកាដូនាងជារបស់ថ្លៃៗជាច្រើន ព្រោះពួកគេលង់ស្នេហ៍នឹងបាតជើងរបស់នាង។
Jessica បានប្រាប់ថា នាងអាចរកប្រាក់ចំណូលពីការបង្ហោះនេះរហូតដល់ទៅ៧ម៉ឺនដុល្លារក្នុងមួយឆ្នាំ។ នាងបានបញ្ជាក់ទៀតថា អ្នកគាំទ្រទាំងនោះមិនដែលទាមទារឲ្យនាងថតរូបស្រាត ឬអ្វីផ្តេសផ្តាសឡើយ។ ពួកគេគ្រាន់តែចង់ឲ្យនាងថតរូបបាតជើងរបស់នាងបន្ថែមទៀតតែប៉ុណ្ណោះ៕
ចែករំលែកព័តមាននេះ