គ្រាប់បែកមួយគ្រាប់បានផ្ទុះកាលពីថ្ងៃទី២៣ មីនា នៅចំណតរថយន្តបឺសមួយ ដែលមានមនុស្សច្រើនកុះករនាកណ្តាលទីក្រុងហ្សេរុយសាឡឹម បណ្តាលឱ្យមនុស្សស្លាប់ម្នាក់ និងរបួស២៤នាក់ ។
នេះជាការវាយប្រហារភេរវកម្មលើកដំបូងហើយក្នុងទីក្រុងសក្ការៈនេះចាប់តាំងពីឆ្នាំ២០០៤មក ដោយពុំទាន់មានក្រុមណាប្រកាសទទួលខុសត្រូវនៅឡើយ ក៏ប៉ុន្តែប៉ូលិសអុីស្រាអែលសន្និដ្ឋានថា វាគឺជាស្នាដៃរបស់ពួកសកម្មប្រយុទ្ធប៉ាឡេស្ទីន។
ការផ្ទុះនេះកើតមាននាវេលាម៉ោង១៥ម៉ោងក្នុងស្រុក នៅជិតចំណតរថយន្តក្រុង ។ មនុស្សទាំងឡាយដែលត្រូវរបួសមានឈាមហូរត្រូវបានបញ្ជូនចេញ ។ ប៉ូលិសអ៊ីស្រាអែលនិយាយថា នារីម្នាក់អាយុ៦០ឆ្នាំ បានស្លាប់ដោយសាររបួសធ្ងន់ធ្ងរពេក ។ ភ្នាក់ងារសង្គ្រោះបន្ទាន់អ៊ីស្រាអែលនិយាយពីមនុស្ស២៤នាក់ទៀតត្រូវរបួស ក្នុងនោះ៣នាក់របួសធ្ងន់ ៕
ចែករំលែកព័តមាននេះ