អតីតប្រធាន CITA ស្នើសុំចូលជួបលោក កឹម សុខា នៅពន្ធនាគារ
- ភ្នំពេញ
រាជធានីភ្នំពេញ ៖ លោក រ៉ុង ឈុន អតីតសមាជិកគណៈកម្មាធិការជាតិរៀបចំការបោះឆ្នោត (គ.ជ.ប) និងជាអតីតប្រធានសមាគមគ្រូបង្រៀនកម្ពុជាឯករាជ្យ (CITA) នៅថ្ងៃទី៥…
រាជធានីភ្នំពេញ ៖ លោក រ៉ុង ឈុន អតីតសមាជិកគណៈកម្មាធិការជាតិរៀបចំការបោះឆ្នោត (គ.ជ.ប) និងជាអតីតប្រធានសមាគមគ្រូបង្រៀនកម្ពុជាឯករាជ្យ (CITA) នៅថ្ងៃទី៥ ខែធ្នូ ឆ្នាំ២០១៧នេះ បានដាក់លិខិតមួយច្បាប់ជូនលោក គី ឫទ្ធី ចៅក្រមសាលាដំបូងរាជធានីភ្នំពេញ ដើម្បីដឹកនាំគ្រូបង្រៀនមួយក្រុម និងតំណាងសហជីពទៅជួបលោក កឹម សុខា អតីតប្រធានគណបក្សសង្គ្រោះជាតិ នៅថ្ងៃទី ១០ ធ្នូ ខាងមុននេះ នៅក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ។
យោងតាមលិខិតមួយច្បាប់របស់លោក រ៉ុង ឈុន បានលើកឡើងថា សហការីដែលត្រូវចូលទៅជួបលោក កឹម សុខា គឺរួមមាន ៖ អ្នកស្រី យ៉ាង សុភ័ណ្ឌ ប្រធានសហព័ន្ធសហភាពកម្ពុជា, អ្នកស្រី អ៊ុក ឆាយ៉ាវី ប្រធានសមាគមគ្រូបង្រៀនកម្ពុជាឯករាជ្យ, លោកហ៊ី សម្បត្តិ អនុប្រធានសមាគមគ្រូបង្រៀនកម្ពុជាឯករាជ្យ, លោក ម៉ែន សុខឆៃ អគ្គលេខាធិការសមាគមគ្រូបង្រៀនកម្ពុជាឯករាជ្យ, អ្នកស្រី គឹម តារានី អគ្គហិរញ្ញិកសមាគមគ្រូបង្រៀនកម្ពុជាឯករាជ្យ, លោក ឡុង រីម គណៈកម្មាការនាយកសមាគមគ្រូបង្រៀនកម្ពុជាឯករាជ្យ និងលោក នី ច័ន្ទតារាវុធ គណៈកម្មាការនាយកសមាគមគ្រូងបង្រៀនកម្ពុជាឯករាជ្យ។
គួរបញ្ជាក់ថា លោក កឹម សុខា ត្រូវបានចាប់ខ្លួនកាលពីថ្ងៃទី២ កញ្ញា ឆ្នាំ២០១៧ ដោយសមត្ថកិច្ចរដ្ឋាភិបាលកម្ពុជា បន្ទាប់ពីចោទប្រកាន់ថា ឃុបឃិតជាមួយបរទេសក្រោយពេលវីដេអូសម្លេង ដើម្បីរបស់លោក កឹម សុខា បានបែកធ្លាយ៕
ចែករំលែកព័តមាននេះ