ខេត្តកោះកុង ៖ បុរសម្នាក់ដែលត្រូវបានពូរបស់ខ្លួនអះអាងថាជាមន្ត្រីប៉ូលិសនៅខេត្តព្រៃវែង បានធ្លាក់ទឹកសមុទ្រស្លាប់នៅវេលាម៉ោង៣ទៀបភ្លឺថ្ងៃទី០៤ ខែធ្នូ ឆ្នាំ២០១៧ ខណៈពេលផឹកស៊ីស្រវឹងលើទូក ហើយដើរទៅបត់ជើងនៅកន្ទុយទូកត្រូវខ្សែចងទូកទាក់កជើងធ្លាក់ទឹកតែម្តង ។ ហេតុការនេះកើតឡើងនៅកំពង់ផែប្រមូលទិញផលនេសាទ…
ខេត្តកោះកុង ៖ បុរសម្នាក់ដែលត្រូវបានពូរបស់ខ្លួនអះអាងថាជាមន្ត្រីប៉ូលិសនៅខេត្តព្រៃវែង បានធ្លាក់ទឹកសមុទ្រស្លាប់នៅវេលាម៉ោង៣ទៀបភ្លឺថ្ងៃទី០៤ ខែធ្នូ ឆ្នាំ២០១៧ ខណៈពេលផឹកស៊ីស្រវឹងលើទូក ហើយដើរទៅបត់ជើងនៅកន្ទុយទូកត្រូវខ្សែចងទូកទាក់កជើងធ្លាក់ទឹកតែម្តង ។ ហេតុការនេះកើតឡើងនៅកំពង់ផែប្រមូលទិញផលនេសាទ ស្ថិតក្នុងភូមិនាងកុក ឃុំប៉ាក់ខ្លងស្រុកមណ្ឌលសីមា ខេត្តកោះកុង ។
សមត្ថកិច្ចប៉ូលិសស្រុកបានឲ្យដឹងថា មន្ត្រីប៉ូលីសខាងលើឈ្មោះធិន ពៃ អាយុ៣៩ឆ្នាំ តែឈ្មោះនៅក្នុងអត្តសញ្ញាណប័ណ្ណឈ្មោះវិន សុជាតិ ។ ប្រភពដដែលបានអះអាងថា ជនរងគ្រោះបានមកលេងពូរបស់ខ្លួន ដែលជាកម្មករទូកនេសាទនៅទីតាំងកំពង់ផែខាងលើ ហើយបានជួបគ្នានៅរសៀលថ្ងៃទី០៣ ក៏បានបបួលគ្នាពូក្មួយ និងមិត្តភក្តិជាកម្មករទូកដទៃទៀតផឹកស៊ីនៅលើទូករហូតដល់ម៉ោង៥ជិតភ្លឺក៏បានដើរទៅបត់ជើងនៅកន្ទុយទូកខាងក្រោយ ។
ដោយបាត់ក្មួយយូរពេក ពូក៏តាមទៅមើលស្រាប់តែឃើញតែជើងក្មួយនៅប៉ប្រះផ្ទៃទឹកដោយមានខ្សែរុំកជើងជាប់ ។ ឃើញដូច្នេះក៏បាននាំគ្នាយោងដាក់ឡើងលើទូក តែអកុសលជនរងគ្រោះបានដាច់ខ្យល់ស្លាប់បាត់ទៅហើយ ។ លុះដល់ម៉ោង៨ព្រឹកទើបសមត្ថកិច្ចចុះទៅពិនិត្យសាកសពហើយបានសន្និដ្ឋានថា ពិតជាស្លាប់ដោយសារលង់ទឹកប្រាកដមែន ហើយបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ