រាជធានីភ្នំពេញ ៖ ក្រោយពីព័ត៌មានលើប្រព័ន្ធផ្សព្វផ្សាយមួយចំនួនបានចុះថា «និ មុនីនាថ ភ័យខ្លាំងបន្ទាប់ពីគ្មានលុយសងជំងឺចិត្តគូដណ្តឹងនៅអាមេរិក រហូតគេចខ្លួនបាត់»នោះ បានធ្វើឱ្យកញ្ញា និ មុនីនាថ…
រាជធានីភ្នំពេញ ៖ ក្រោយពីព័ត៌មានលើប្រព័ន្ធផ្សព្វផ្សាយមួយចំនួនបានចុះថា «និ មុនីនាថ ភ័យខ្លាំងបន្ទាប់ពីគ្មានលុយសងជំងឺចិត្តគូដណ្តឹងនៅអាមេរិក រហូតគេចខ្លួនបាត់»នោះ បានធ្វើឱ្យកញ្ញា និ មុនីនាថ នៅមិនសុខ ដោយនាងបានសរសេរបកស្រាយបំភ្លឺភ្លាមៗនៅក្នុងហ្វេសប៊ុកមួយឈ្មោះថា «កនិ ហា» ។
ការសរសេរបកស្រាយរបស់អ្នកនាង និ មុនីនាថ មានទាំងស្រុងថា «នាងខ្ញុំ នី មុនិនាថ សូមបញ្ជាក់ថា នាងខ្ញុំគ្មានគេចទៅណាទេ នាងខ្ញុំនៅក្នុងប្រទេសកម្ពុជាដដែល តែមានតែអតីតគូដណ្តឹងរបស់នាងខ្ញុំទេ ដែរគាត់មិននៅក្នុងប្រទេសកម្ពុជា អ៊ីចឹងសូមមេត្តាពិចារណាផង (បើបងពិតជាស្មោះត្រង់ បងមកកម្ពុជាមកណាអូនចាំបង) ។
ដោយឡែក លោក អ៊ឹង សូឡាង ដែលត្រូវជាអតតីគូដណ្តឹងកញ្ញា នី មុនីនាថ ក៏ត្រូវបានឃើញឆ្លើយតបនៅលើហ្វេសប៊ុកផ្ទាល់ខ្លួនរបស់លោកវិញយ៉ាងធ្ងន់ៗទៅកញ្ញា នី មុនីនាថ ។
គួររំលឹកទៀតថា កញ្ញានី មុន្នីនាថ អវត្តមានចូលបំភ្លឺនៅតុលាការ ទាក់ទិនការប្តឹងរបស់អតីតគូដណ្តឹង ។ សាលាដំបូងរាជធានីភ្នំពេញ បានផ្តើមនីតិវិធីរបស់ខ្លួនលើកដំបូងលើបណ្ដឹងលោក អ៊ឹង សូឡាង ប្ដឹងអតីតគូដណ្ដឹងរបស់ខ្លួន គឺកញ្ញានី មុន្នីនាថ ទាមទារសំណងចំនួន១២ម៉ឺនដុល្លារ កាលពីថ្ងៃទី២៩ វិច្ឆិកា ២០១៧ ។
នីតិវិធីលើកដំបូងនេះ ពុំមានវត្តមានតារាសម្ដែងនី មុន្នីនាថ ចូលរួមទេ គឺមានតែមេធាវី របស់នាងប៉ុណ្ណោះ ។ លោកមេធាវីរ៉ូ ប៊ីនណៃ និយាយថា ករណីនេះតុលាការកំពុងចាត់ការតាមនីតិវិធី ពុំទាន់មានលទ្ធផលយ៉ាងណានោះទេ តែលោកបញ្ជាក់ថា ពុំមានករណីឆបោក ឬបណ្តឹងឆបោកប្រឆាំងកូនក្តីរបស់លោក ដូចសារព័ត៌មានមួយចំនួនបានចុះផ្សាយទេ ។ ម្យ៉ាងកូនក្តីលោកក៏ពុំបានគេចវេះ ឬមិនចង់ចូលបំភ្លឺនៅតុលាការដូចសារព័ត៌មានមួយចំនួនបានចុះផ្សាយដែរ ។
គួរបញ្ជាក់ទៀតថា កញ្ញានី មុន្នីនាថ និងលោកអ៊ឹង សូឡាង បានភ្ជាប់ពាក្យនឹងគ្នានៅឆ្នាំ២០១៤ ហើយអ្នកទាំង២បានជួបភាពរកាំរកូសនាពេលកន្លងមក រហូតដល់មានបណ្តឹងទៅតុលាការរបស់លោកអ៊ឹង សូ ។
ចែករំលែកព័តមាននេះ