រដ្ឋមន្ត្រីថាមពលថ្មីសន្យាលក់ដេញថ្លៃតំបន់ឧស្ម័នធម្មជាតិ
ទីក្រុងបាងកក ៖ រដ្ឋមន្ត្រីថាមពលថ្មីរបស់ប្រទេសថៃ លោក Siri Jirapongphan បានសន្យាថា នឹងបង្កើនល្បឿនដំណើរការដាក់លក់ដេញថ្លៃតំបន់ឧស្ម័នធម្មជាតិ Bongkot និង…
ទីក្រុងបាងកក ៖ រដ្ឋមន្ត្រីថាមពលថ្មីរបស់ប្រទេសថៃ លោក Siri Jirapongphan បានសន្យាថា នឹងបង្កើនល្បឿនដំណើរការដាក់លក់ដេញថ្លៃតំបន់ឧស្ម័នធម្មជាតិ Bongkot និង…
ទីក្រុងបាងកក ៖ រដ្ឋមន្ត្រីថាមពលថ្មីរបស់ប្រទេសថៃ លោក Siri Jirapongphan បានសន្យាថា នឹងបង្កើនល្បឿនដំណើរការដាក់លក់ដេញថ្លៃតំបន់ឧស្ម័នធម្មជាតិ Bongkot និង Erawan ក្នុងឈូងសមុទ្រថៃ ។ សម្បទានតំបន់ទាំងពីរនេះនឹងផុតកំណត់ក្នុងឆ្នាំ២០២២ និង២០២៣ ។
លោក Siri ធ្លាប់ធ្វើជានាយកក្នុងវិទ្យាស្ថានប្រេងឥន្ធនៈប្រទេសថៃ និយាយថា រដ្ឋាភិបាលគួរតែពន្លឿនការដេញថ្លៃឲ្យបានលឿន ព្រោះវាបានពន្យារពេលអស់រយៈពេលជាច្រើនឆ្នាំមកហើយ ។ តំបន់ទាំងពីរនេះអាចផ្គត់ផ្គង់ឧស្ម័នធម្មជាតិបាន៤០%នៃតម្រូវការក្នុងប្រទេស ។
អ្នកបង្កើតច្បាប់សម្រេចចិត្តថា ការដេញថ្លៃតំបន់ទាំងពីរនឹងប្រើកិច្ចព្រមព្រៀងចែករំលែកផលិតកម្ម ប៉ុន្តែវិនិយោគិននៅរង់ចាំមើលលក្ខខណ្ឌចេញក្នុងខែនេះ ។
លោក Siri បន្តថា ក្រសួងលោកកំពុងតែចរចាជាមួយក្រុមហ៊ុនជាប់ពាក់ព័ន្ធ អំពីព័ត៌មានលម្អិត និងកាលបរិច្ឆេទការដេញថ្លៃ ដែលលោកគិតថា នឹងកើតមានឡើងក្នុងពេលឆាប់ៗ ។
ជាមួយគ្នានេះ រដ្ឋាភិបាលនឹងពិចារណាឲ្យបានដិតដល់លើរោងចក្រថាមពលធ្យូងថ្ម ដែលនឹងសាងសង់នៅខេត្តភាគខាងត្បូង បន្ទាប់ពីសកម្មជនការពារបរិស្ថាន និងសហគមន៍បានប្រឆាំងយ៉ាងខ្លាំងក្លាជាមួយគម្រោងនេះ ។
លោកបន្ថែមថា អ្នកបង្កើតច្បាប់ត្រូវតែស្វែងរកលំនឹងរវាងគុណសម្បត្តិ និងគុណវិបត្តិរបស់រោងចក្រផលិតថាមពលនេះដោយប្រុងប្រយ័ត្ន ព្រោះវាប៉ះពាល់ដល់បរិស្ថាន និងសន្តិសុខថាមពលផងដែរ ។
តម្រូវការថាមពលនៅខេត្តភាគខាងត្បូងប្រទេសបានកើនឡើងជាបន្តបន្ទាប់ ដោយសារវិស័យទេសចរណ៍លូតលាស់ ខណៈការផ្គត់ផ្គង់ថាមពលជិតស្ថិតនៅក្រោមសម្ពាធ ។
បញ្ហាមួយទៀតដែលលោក Siri ចាប់អារម្មណ៍ គឺដំណោះស្រាយលើការខ្វះខាតប្រេងដូង ព្រោះតម្រូវការកើនឡើងក្នុងផ្នែកអាហារ ៕
ចែករំលែកព័តមាននេះ