ខេត្តមណ្ឌលគិរី ៖ អភិបាលខេត្តមណ្ឌលគិរីបានអំពាវនាវដល់ប្រជាពលរដ្ឋ ត្រូវចូលរួមសហការ ជាមួយសមត្ថកិច្ច ដើម្បីឲ្យដំណើរការធ្វើផ្លូវលំក្រាលគ្រួសក្រហមមួយខ្សែចំនួន១២គីឡូម៉ែត្រ ឲ្យទទួលបានជោគជ័យព្រោះផ្លូវនេះ ជាផលប្រយោជន៍របស់ប្រជាពលរដ្ឋទាំងអស់គ្នា។ លោកសា្វយ សំអ៊ាង…
ខេត្តមណ្ឌលគិរី ៖ អភិបាលខេត្តមណ្ឌលគិរីបានអំពាវនាវដល់ប្រជាពលរដ្ឋ ត្រូវចូលរួមសហការ ជាមួយសមត្ថកិច្ច ដើម្បីឲ្យដំណើរការធ្វើផ្លូវលំក្រាលគ្រួសក្រហមមួយខ្សែចំនួន១២គីឡូម៉ែត្រ ឲ្យទទួលបានជោគជ័យព្រោះផ្លូវនេះ ជាផលប្រយោជន៍របស់ប្រជាពលរដ្ឋទាំងអស់គ្នា។
លោកសា្វយ សំអ៊ាង បានបញ្ជាក់ទៀតថា នៅក្នុងស្រុកកោះញែកថ្វីត្បិតតែមានការចូលរួមចំណែកក្នុងការកសាង និងអភិវឌ្ឍន៍ឲ្យមានការរីកចម្រើនទៅលើបញ្ហាហេដ្ឋារចនាសម្ព័ន្ធផ្លូវលំ លូ និងទំនប់ជាច្រើនកន្លែងក៏ដោយតែទោះជាយ៉ាងណា ក៏មិនទាន់បានគ្រប់តាមតម្រូវការរបស់ប្រជាពលរដ្ឋនៅឡើយទេ ។ បញ្ហាទាំងនេះដែលរាជរដ្ឋាភិបាលកម្ពុជាក៏ដូចជាអាជ្ញាធរខេត្ត និងមន្ត្រីជំនាញបានខិតខំយកចិត្តទុកដាក់គិតគូរ និងលើកផែនការជាបន្តបន្ទាប់ក្នុងការជម្រុញធ្វើយ៉ាងណាឲ្យការកសាងនូវហេដ្ឋារចនាសម្ព័ន្ធឲ្យមានប្រព័ន្ធតភ្ជាប់ផ្លូវជាសសៃឈាមបានគ្រប់ទីកន្លែងរួមទាំងការពង្រីកនូវបណ្តាញអគ្គិសនី ផ្នែកអប់រំ សុខាភិបាល ដើម្បីឲ្យប្រជាពលរដ្ឋនៅមូលដ្ឋានទទួលបានសេវាឲ្យបានកាន់តែល្អប្រសើរ និងចូលរួមចំណែកកាត់បន្ថយភាពក្រីក្រផងដែរ ។
ក្នុងនោះប្រជាពលរដ្ឋមានតួនាទីសំខាន់ ត្រូវចូលរួមសហការជាមួយអាជ្ញាធរស្រុក និងសមត្ថកិច្ចពាក់ព័ន្ធដើម្បីឲ្យដំណើរការកសាងផ្លូវលំនេះទទួលបានជោគជ័យ និងបានណែនាំដល់ក្រុមហ៊ុនត្រូវធ្វើផ្លូវឲ្យសមស្របតាមបច្ចេកទេស និងមានគុណភាព ម្យ៉ាងទៀតក៏បានណែនាំដល់ប្រជាពលរដ្ឋត្រូវចូលរួមថែរក្សាការពារផ្លូវនេះឲ្យបានប្រើប្រាស់គង់វង្សទាំងរដូវប្រាំង និងរដូវវស្សាខាងមុខនេះ ៕
ចែករំលែកព័តមាននេះ