ខេត្តកំពង់ស្ពឺ ៖ ម្ចាស់ផ្ទះម្នាក់ និងជនសង្ស័យ៤នាក់ទៀតត្រូវបានសមត្ថកិច្ចជំនាញឆ្មក់បង្ក្រាបពេលកំពុងប្រមូលផ្តុំគ្នាជក់ថ្នាំញៀនក្នុងផ្ទះ១ ស្ថិតនៅភូមិអង្គប្រាសាទ សង្កាត់ច្បារមន ក្រុងច្បារមន ករណីបង្ក្រាបគ្រឿងញៀនបានធ្វើឡើងនៅម៉ោង១២និង១៥នាទីថ្ងៃត្រង់ថ្ងៃទី០៣ ខែវិច្ឆិកា ឆ្នាំ២០១៧…
ខេត្តកំពង់ស្ពឺ ៖ ម្ចាស់ផ្ទះម្នាក់ និងជនសង្ស័យ៤នាក់ទៀតត្រូវបានសមត្ថកិច្ចជំនាញឆ្មក់បង្ក្រាបពេលកំពុងប្រមូលផ្តុំគ្នាជក់ថ្នាំញៀនក្នុងផ្ទះ១ ស្ថិតនៅភូមិអង្គប្រាសាទ សង្កាត់ច្បារមន ក្រុងច្បារមន ករណីបង្ក្រាបគ្រឿងញៀនបានធ្វើឡើងនៅម៉ោង១២និង១៥នាទីថ្ងៃត្រង់ថ្ងៃទី០៣ ខែវិច្ឆិកា ឆ្នាំ២០១៧ ។
ព័ត៌មានពីសមត្ថកិច្ចបង្ក្រាបបទល្មើសគ្រឿងញៀនបានឲ្យដឹងថា មុនពេលកើតហេតុសមត្ថកិច្ច ទទួលពាក្យបណ្តឹងតាមទូរស័ព្ទពីប្រជាពលរដ្ឋល្អបានឲ្យដឹងថា មានជនសង្ស័យ១ក្រុម កំពុងប្រមូលផ្តុំគ្នាសម្ងំជក់ថ្នាំញៀនក្នុងផ្ទះ១កន្លែង ស្ថិតក្នុងភូមិកើតហេតុខាងលើនេះ ។
សមត្ថកិច្ចបានចុះទៅដល់ចំណុចកើតហេតុ ឃាត់ខ្លួនជនសង្ស័យចំនួន៥នាក់រួមមាន
ទី១-ឈ្មោះផេង រាជ ភេទប្រុស អាយុ២២ឆ្នាំ ជាម្ចាស់ផ្ទះផ្តល់ទីតាំងជក់ថ្នាំញៀន រស់នៅភូមិអង្គប្រសាទ សង្កាត់ច្បារមន ក្រុងច្បារមន ទី២-ឈ្មោះហឿន កុសល ភេទប្រុស អាយុ១៩ឆ្នាំ រស់នៅភូមិខោប សង្កាត់រកាធំ ក្រុងច្បារមន ទី៣-ឈ្មោះណូយ ផានិត ភេទប្រុស អាយុ២០ឆ្នាំ រស់នៅភូមិទួលធ្នង់ សង្កាត់រកាធំ ក្រុងច្បារមន ទី៤-ឈ្មោះចន្ទ សុខហៀង ភេទប្រុស អាយុ ២៣ឆ្នាំ រស់នៅភូមិទួលធ្នង់ សង្កាត់រកាធំ ក្រុងច្បារមន និងទី៥-ឈ្មោះស៊ុន វល្លិ ភេទប្រុស អាយុ១៧ឆ្នាំ រស់នៅភូមិខោប សង្កាត់រកាធំ ក្រុងច្បារមន ។
នៅពេលបង្ក្រាបសមត្ថកិច្ច ដកហូតបានថ្នាំញៀនសល់ពីជក់ចំនួនតែ៣កញ្ចប់តូច ទូរស័ព្ទដៃ២គ្រឿង ដាវ១ដើម និងឧបករណ៍ប្រើប្រាស់ថ្នាំញៀនមួយចំនួន ។
ក្រោយបង្ក្រាបរួច សមត្ថកិច្ចកសាងសំណុំរឿងបញ្ជូនមកឃុំខ្លួនបណ្តោះអាសន្ននៅស្នងការដ្ឋាន ដើម្បីបញ្ជូនឡើងតុលាការចាត់ការតាមនីតិវិធី ៕
ចែករំលែកព័តមាននេះ