រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ស្ថិតនៅលើផ្លូវទំនប់់កប់ស្រូវ លើផ្លូវជាតិលេខ០៤ រហូតមកដល់ម្តុំវត្តអង្គក្រពើ គេតែងតែឃើញមានរថយន្តកុងតឺន័រជាច្រើនគ្រឿង បានបើកមកចតទុកចោលយ៉ាងអនាធិបតេយ្យបំផុត ខណៈដងផ្លូវកំពុងតូចចង្អៀតស្រាប់ផង បង្កឱ្យអ្នកដំណើរគ្រប់ប្រភេទមានអារម្មណ៍មិនល្អ ដោយសារការកកស្ទះចរាចរណ៍ខ្លាំងពេក ។
ជាក់ស្តែង នាព្រឹកថ្ងៃទី០៤ វិច្ឆិកា នេះ នៅមុខវត្តអង្គក្រពើតែម្តង គឺឃើញរថយន្តកុងតឺន័រ៤ទៅ៥គ្រឿង បានចតលើផ្លូវដែលស្ថាបនារួចមួយចំហៀង ដែលបង្កឱ្យអ្នកដំណើរមានការលំបាកខ្លាំង ដោយត្រូវជិះចៀសរថយន្តកុងតឺន័រគេចតទុកនោះ ហើយស្ថានភាពផ្លូវក៏តូចទៀត វាអាចបង្កឱ្យមានគ្រោះថ្នាក់ណាស់ ។
គួរកត់សម្គាល់ថា ការស្ថាបនាផ្លូវបានស្អាតរួចរាល់ គឺគេឃើញត្រឹមពីផ្លូវលេខ០៤ ទៅដល់ផ្លូវរថភ្លើង ។ ប៉ុន្តែចាប់ពីផ្លូវរថភ្លើង មកដល់គល់ស្ពានលីយុងផាត់ គឺស្ថាបនាបានតែមួយចំហៀងប៉ុណ្ណោះ និងសល់មួយចំហៀងទៀត ត្រូវគេទុកចោលរយៈជិត១ឆ្នាំមកហើយ ដែលគ្រប់គ្នាមិនដឹងពីមូលហេតុនោះទេ ។
កត្តាទាំងអស់នេះហើយ ត្រូវបានប្រជាពលរដ្ឋមានការឆ្ងល់យ៉ាងខ្លាំង ហើយក៏រិះគន់ទៅដល់អាជ្ញាធររាជធានីភ្នំពេញផងដែរ មិនគួរទុកស្ថានភាពអាក្រក់នេះនៅមានក្នុងក្រុងនោះទេ គួរតែចុះទៅពិនិត្យ និងដោះស្រាយហើយ ។
ចែករំលែកព័តមាននេះ