ខេត្តតាកែវ ៖ ទីតាំងសង្វៀនជល់មានដ៏ធំដែលនៅចំណុចភូមិត្រពាំងលើក ឃុំកណ្តឹង ស្រុកបាទី ខេត្តតាកែវ ត្រូវបានលោកឡាយ វណ្ណ: អភិបាលខេត្តតាកែវ និងជាប្រធានគណៈបញ្ជាការឯកភាពរដ្ឋបាលខេត្ត ចុះរុះរើ និងបិទទីតាំងជល់មាន់ខុសច្បាប់នៅព្រឹកថ្ងៃទី០៣ ខែធ្នូ ឆ្នាំ២០១៧ ។
ការចុះបិទទីតាំងជល់មាន់ខុសច្បាប់ខាងលើនេះធ្វើឡើងក្រោមការដឹកនាំបញ្ជាផ្ទាល់ លោកអភិបាលខេត្តតាកែវ ដែលបានដឹកនាំកម្លាំងសមត្ថកិច្ចចម្រុះដែលមានការចូលរួមពីលោកឧត្តមសេនីទោ សុខ សំណាង ស្នងការនគរបាល រួមនឹងអាជ្ញាធរមូលដ្ឋាន កងរាជអាវុធហត្ថខេត្ត និងមានការសម្របសម្រួលនីតិវិធីច្បាប់ លោកជ័យ រិទ្ធី ព្រះរាជអាជ្ញារងអមអយ្យការសាលាដំបូងខេត្ត ។ នៅក្នុងប្រតិបិត្តការចុះបង្ក្រាបទីតាំងជល់មាន់ដ៏ធំខាងលើនេះ លោក ឡាយ វណ្ណៈអភិបាលខេត្តតាកែវ និងជាប្រធានគណៈបញ្ជាការឯកភាពរដ្ឋបាលខេត្ត បានបញ្ជាសមត្ថកិច្ចទាំងអស់ ត្រូវប្រមូលភ័ស្តុតាងទាំងអស់ ក្នុងទីតាំងជល់មាន់នេះ យកមករក្សាទុកនូវស្នងការដ្ឋាននគរបាលខេត្តតាកែវ ពិសេសនោះលោក នឹងធ្វើការប្តឹងទៅកាន់តុលាការ ដើម្បីរឹបអូសដីដែលដាក់ទីតាំងជល់មាន់មកទុកជាសម្បត្តិរដ្ឋ និងធ្វើជាមជ្ឈមណ្ឌលអប់រំ និងបន្សាបគ្រឿងញៀន ។
ក្នុងនាមគណៈបញ្ជាការឯកភាពខេត្ត លោកនឹងបន្តធ្វើការបង្ក្រាបនូវល្បែងស៊ីសងគ្រប់ប្រភេទឲ្យអស់ពីមូលដ្ឋានខេត្តតាកែវ ដើម្បីស្របតាមគោលនយោបាយភូមិឃុំមានសុវត្ថិភាព ។ ជាលទ្ធផលក្នុងកាដឹកនាំបង្ក្រាបសង្វៀនបញ្ជល់មាន់ដោយខុសច្បាប់នេះ ដោយសាតែមានការដឹងមុននោះមេបើកសង្វៀនរួម ជាមួយអ្នកលែងល្បែងទាំងអស់បានរត់អស់បន្សល់នៅតែអាគក៦ក្បាល ហើយទីតាំងត្រូវបានលោកអភិបាលខេត្តបញ្ជាឲ្យរុះរើទាំងស្រុង ៕
ចែករំលែកព័តមាននេះ