ខេត្តព្រះសីហនុ ៖ នៅស្រុកព្រៃនប់ផ្ទះ១ខ្នងសង់ពីឈើប្រក់ហ្វីបប្រូជាអំណោយរបស់កាកបាទក្រហមកម្ពុជាសាខាខេត្តព្រះសីហនុ ត្រូវបានលោកយន្ត មីនប្រធានកិត្តិយសសាខា និងជាអភិបាលខេត្តព្រះសីហនុ ប្រគល់ជូនគ្រួសាដែលមានជីវភាពខ្វះខាត នៅភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុកាលពីថ្ងៃទី០១ ខែធ្នូ ឆ្នាំ២០១៧ ដោយមានការចូលរួមពីសំណាក់អនុសាខា និងអាជ្ញាមូលដ្ឋានផងដែរ ។
លោកអ៊ុក សាវឿន មេឃុំតានៃក្នុងនាមមូលដ្ឋាន ដំណាងឲ្យពលរដ្ឋក្នុងឃុំតានៃ សូមសម្តែង អំណរអរគុណដល់ឯកឧត្តមអភិបាលខេត្ត និងជាប្រធានកិត្តិយសសាខាកាកបាទក្រហមសាខាខេត្ត ដែលបានយកចិត្តទុកដាក់កសាងផ្ទះមួយខ្នងសង់ពីឈើប្រកហ្វីបប្រូមានប្រវែង៤គុណ៦ម៉ែត្រជូនដល់ឈ្មោះទេព សារីនដែលជាគ្រួសារក្រីក្រនៅក្នុងមូលដ្ឋាននេះ មិនត្រឹមតែប៉ុណ្ណោះឯកឧត្តម និងក្រុមកាងារជូននូវគ្រឿងសម្ភារហូបចុក ហើយថវិការមួយចំនួនទៀតជូនបន្ថែមទៀតផងដែរ ។
លោកយន្ត មីនមានប្រសាសន៍ផ្តាំផ្ញើរការសួសុខទុកពីសម្តេចគត្តិព្រឹតបណ្ឌិតប៊ុន រ៉ានីហ៊ុន សែន ប្រធានកាកបាទក្រហមកម្ពុជា ដែលលោកជំទាវតែងតែយកចិត្តទុកដាក់ខ្ពស់ ដល់ប្រជាពលរដ្ឋទូទៅ ដែលលោកជួបការលំបាកជីវភាពខ្វះខាត និងរងគ្រោះផ្សេងៗទៀត ។ ជាក់ស្តែងដូចផ្ទះមួយខ្នងនេះគោរពតាមអនុសាសន៍របស់សម្តេចគត្តិព្រិត្តបណ្ឌិតប្រធានកាកបាទក្រហមកម្ពុជា បានសាងសង់ចំណាយទឹកប្រាក់ជាង២ពាន់ដុល្លាជូនដល់ពលរដ្ឋដែលលោកជួបការលំបាក ៕
ចែករំលែកព័តមាននេះ