ខេត្តពោធិ៍សាត់ ៖ ស្រូវពូជចំនួន៨១តោនដែលផ្តល់ដោយលោកស៊ុយ សែម រដ្ឋមន្ត្រីក្រសួងឧស្សាហកម្ម រ៉ែ និងថាមពល និងជាប្រធានក្រុមការងារចុះជួយខេត្ត តាមរយៈមន្ទីរកសិកម្មខេត្តត្រូវបានលោកជំទាវ ឯម បុណ្ណា តំណាងរាស្ត្រមណ្ឌលពោធិ៍សាត់ នាំយកទៅចែកជូនប្រជាពលរដ្ឋដែលខ្វះខាតពូជស្រូវនៅភូមិច្រប់ ឃុំស្វាយដូនកែវ ស្រុកបាកាន ចំនួន១២០គ្រួសារសម្រាប់ធ្វើស្រែរដូវប្រាំងនៅលើផ្ទៃដី៤០៥ហិកតា កាលពីថ្ងៃទី៣០ តុលា ២០១២។
លោកជំទាវឯម បុណ្ណា បានសម្តែងការសោកស្តាយនៅពេលដឹងថា ការងារបង្កបង្កើនផលស្រូវរដូវវស្សារបស់ប្រជាពលរដ្ឋនៅក្នុងភូមិច្រប់ តែងតែប្រឈម និងខូចខាតរាល់ឆ្នាំដោយសារទឹកជំនន់។ ដូចនេះដើម្បីធ្វើការស្តារឡើងវិញនៅពេលទឹកស្រកនោះលោកជំទាវបានខិតខំស្វែងរកពូជស្រូវឱ្យបងប្អូនធ្វើស្រែប្រដេញទឹក និងស្រែប្រាំងបន្តទៀត។ ជាក់ស្តែងស្រូវពូជនេះគឺជាការផ្តល់ជូនដោយលោករដ្ឋមន្ត្រី ស៊ុយ សែម តាមរយៈមន្ទីរកសិកម្មខេត្តយកមកចែកជូនដល់ប្រជាពលរដ្ឋយើងមានចំនួន១២០គ្រួសារដែលមានផ្ទៃដីសម្រាប់ធ្វើស្រែប្រដេញទឹក និងស្រែប្រាំងចំនួន៤០៥ហិកតា វាអាចជួយដោះស្រាយជីវភាពបាននៅពេលបងប្អូនយកពូជស្រូវនេះទៅប្រើប្រាស់តាមបច្ចេកទេសកសិកម្មនោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ