១-លើកចង្អុលដៃកណ្ដាលត្រូវក្រុមហ៊ុនបណ្ដេញចេញពីការងារ
ស្ត្រីម្នាក់លើកដៃកណ្ដាលដាក់ក្បួនរថយន្តរបស់លោកប្រធានាធិបតី ដូណាល់ ត្រាំ ត្រូវក្រុមហ៊ុនបណ្ដេញចេញពីការងារ ក្រោយពីឃើញក្នុងរូបថត ។
២-ក្រុងញូវដេលីប្រឈមមុខនឹងអាកាសធាតុពុល
ក្រុងញូវដេលី ប្រទេសឥណ្ឌាបានគ្របដណ្ដប់ដោយផ្សែងពុល សាលារៀនជាច្រើនត្រូវបិទបណ្ដោះអាសន្ន កាលពីពេលថ្មីៗកន្លងមក ។
៣-ត្រីយន្តចាំងពន្លឺ
ក្រុមហ៊ុន «AIRO» ផ្នែកបច្ចេកវិទ្យាបានបង្ហាញត្រីយន្ត «Marine Intelligent Robot-MIRO» ក្នុងការធ្វើពិសោធន៍ហែលទឹកនៅក្នុងអាងដូចត្រីពិត ប៉ុន្តែវាមានចាំងពន្លឺចេញពីដងខ្លួននៅក្នុងពិពណ៌ «Advanced Content Technology Expo» រៀបចំឡើងនៅក្រុងតូក្យូ ប្រទេសជប៉ុន ។
៤-ប្រុស៣ស្រី៣ នៅក្នុងបន្ទប់អវកាស សិប្បនិម្មិតតែមួយ
រុស្ស៊ីបានសាកល្បងប្រុស៣ស្រី៣ រស់នៅក្នុងបន្ទប់យានអវកាសសិប្បនិម្មិត នៅក្រុងមូស្គូរយៈពេល១៧ថ្ងៃ ដើម្បីត្រៀមទៅប្រតិបត្តិក្នុងលំហរយៈពេលយូរ ។
៥-យន្តហោះចុះចតបន្ទាន់ព្រោះគ្មានកង់មុខ
យន្តហោះធុនតូចមួយគ្រឿងបានចុះចតបន្ទាន់មួយនៅឯអាកាសយានដ្ឋានរដ្ឋមែរីលែន សហរដ្ឋអាមេរិក ព្រោះគ្មានកង់មុខប្រកបដោយសុវត្ថិភាព ។
៦-យេម៉ែនជួបវិបត្តិភាពក្រីក្រ
អង្គការសហប្រជាជាតិបញ្ជាក់ថាប្រទេសយេម៉ែននឹងប្រឈមមុខលើភាពក្រីក្រក្នុងពេលបច្ចុប្បន្ន ផ្ដល់ផលប៉ះពាល់ដល់ពលរដ្ឋជាច្រើនលាននាក់ ។
៧-បាក់ដើមជ្រៃ២ដើមសង្កត់គោ១១ក្បាលនៅឡាវ
គោ១១ក្បាលបានងាប់ដោយសារដើម ជ្រៃបាក់សង្កត់ កើតឡើងដោយព្យុះដំរីនៅ ប្រទេសឡាវ ។
៨-លាក់ពស់ថ្លាន់នៅក្នុងខោ
បុរសជនជាតិអាល្លឺម៉ង់២រូបឈ្លោះប្រកែកគ្នានៅលើដងផ្លូវ នៅពេលប៉ូលិសចូលឃាត់ក៏ជួបនឹងហេតុការណ៍ចម្លែកមួយព្រោះមានពស់ថ្លាន់នៅក្នុងខោ ។
៩-តារាម៉ូដស្លៀកឈុតខ្លីដឹកឆ្កែនៅញូវយ៉ក
នាង Emily Ratajkowski ជាតារាម៉ូដស្ថិតក្នុងឈុតខ្លីបណ្ដើរឆ្កែនៅក្រុងញូវយ៉ក ធ្វើឲ្យបុរសគ្រប់ច្រណែនឈ្នានីស ។
១០-គ្រូពស់វិះស្លាប់ដោយសារពស់ចឹក
បុរសម្នាក់ជំនាញខាងចាប់ពស់វិះស្លាប់ដោយសារពស់ចឹក ខណៈកំពុងផ្លាស់ចេញពីទ្រុង ប៉ុន្តែមានអាការធ្ងន់ ៕
ចែករំលែកព័តមាននេះ