រាជធានីភ្នំពេញ ៖ សេចក្តីរាយការណ៍បានបន្តថា រហូតមកដល់វេលាម៉ោង៣និង៥០នាទីរសៀលថ្ងៃទី០១ ធ្នូនេះ កម្មករ-កម្មការិនីនៅតែបន្តបិទផ្លូវដដែល ទោះបីជាមានអាជ្ញាធរ និងសមត្ថកិច្ចមកជួយសម្រួលយ៉ាងណាក៏ដោយ ក៏កម្មករ-កម្មការិនីនៅតែពុំព្រមបើកផ្លូវដដែល ។
ការដែលកម្មករ-កម្មការិនីនៅតែបិទផ្លូវនោះគឺ មានករណីច្រើន តែអ្វីដែលកម្មករទាំងអស់ទាមទារនោះគឺរោងចក្រផ្លាស់ប្តូរថៅកែ ហើយមិនមានការផ្តល់ដំណឹងជាមុន និងជាពិសេសមិនឲ្យលុយដំណាច់ឆ្នាំជូនពួកគាត់ព្រោះម្នាក់ៗធ្វើការយូឆ្នាំមកហើយ ។ ដោយពួកគេបានស្រែកទាមទារឲ្យថៅកែជនជាតិចិនជួយដោះស្រាយឲ្យបានឆាប់ បើទោះបីជាមានការដោះស្រាយបន្ត ហើយអាជ្ញាធរបានសម្របសម្រួលក៏ដោយ ក៏កម្មករទាំងនោះនៅតែបន្តបិទផ្លូវដដែល ។
ដោយឡែកខាងភាគីរោងចក្របានចេញសេចក្តីជូនដំណឹងចំនួន៤ចំណុចគឺ ទី១-ក្រុមហ៊ុនមិនបានផ្លាស់ប្ដូរថៅកែរោងចក្រ និងថ្នាក់ដឹកនាំទេ ហើយក្រុមហ៊ុនបានប្រើប្រាស់កិច្ចសន្យា ការងារមានថេរវេលាមិនកំណត់ ទី២- ក្រុមហ៊ុនបានរក្សាអតីតភាពរបស់កម្មករទាំងអស់នៅដដែល ទី៣- ក្រុមហ៊ុននិងអនុវត្តន៍តាមមាត្រា៣៣២នៃច្បាប់ការងារចំពោះកម្មករ- កម្មការិនីណាដែលមិនចូលធ្វើការ និងមិនគិតប្រាក់ឈ្នួលឲ្យទេ និងទី៤- ក្រុមហ៊ុនសូមអំពាវនាវឲ្យកម្មករ-កម្មការិនីចូលធ្វើការវិញជាបន្ទាន់តាមផ្នែក និងតួនាទីរៀងៗខ្លួនប្រសិនបើមានករណីស្នើសុំដោះស្រាយបញ្ហាផ្សេងៗ សូមយកមកដាក់ជូនរដ្ឋបាល ដើម្បីឲ្យក្រុមហ៊ុនបន្តដំណើរដោះស្រាយតាមនីតិវិធីច្បាប់ ៕
ចែករំលែកព័តមាននេះ