រាជធានីភ្នំពេញ៖ ទោះបីជាមានគម្រោងអនុវត្តទោសសហគមន៍ដល់អ្នកទោសយ៉ាងណាក្តី តែរហូតមកដល់ពេលនេះក្រសួងយុត្តិធម៌មិនទាន់បានអនុវត្តនោះទេ ។ នេះបើតាមការអះអាងពីមន្ត្រីជាន់ខ្ពស់ក្រសួងយុត្តិធម៌។ លោក ជិន ម៉ាលីន អ្នកនាំពាក្យក្រសួងយុត្តិធម៌ដែលបានផ្តល់បទសម្ភាសន៍ជាមួយក្រុមអ្នកសារព័ត៌មាន បានលើកឡើងថា…
រាជធានីភ្នំពេញ៖ ទោះបីជាមានគម្រោងអនុវត្តទោសសហគមន៍ដល់អ្នកទោសយ៉ាងណាក្តី តែរហូតមកដល់ពេលនេះក្រសួងយុត្តិធម៌មិនទាន់បានអនុវត្តនោះទេ ។ នេះបើតាមការអះអាងពីមន្ត្រីជាន់ខ្ពស់ក្រសួងយុត្តិធម៌។
លោក ជិន ម៉ាលីន អ្នកនាំពាក្យក្រសួងយុត្តិធម៌ដែលបានផ្តល់បទសម្ភាសន៍ជាមួយក្រុមអ្នកសារព័ត៌មាន បានលើកឡើងថា ក្រសួងនឹងជួបមន្ត្រីអនុវត្តច្បាប់ និងអ្នកពាក់ព័ន្ធផ្នែកច្បាប់ទាំងអស់ ដើម្បីពិភាក្សារកចំណុចបកស្រាយរួមមួយលើការអនុវត្តរឿងក្ដីព្រហ្មទណ្ឌ ។
ក្នុងកិច្ចប្រជុំក្រុមការងារបច្ចេកទេសស្ដីពីកំណែទម្រង់ច្បាប់ និងប្រព័ន្ធយុត្តិធម៌ នៅថ្ងៃទី១ ធ្នូ នៅទីស្តីការក្រសួងលោក ជិន ម៉ាលីន ដែលមានតួនាទីជាប្រធានលេខាធិការដ្ឋានអចិន្ត្រៃយ៍នៃគណៈកម្មាធិការ កំណែទម្រង់ច្បាប់ និងប្រព័ន្ធយុត្តិធម៌ផងដែរនោះ មានប្រសាសន៍ថា នៅខែកុម្ភៈ ឆ្នាំ២០១៨ ខាងមុខ ក្រសួងយុត្តិធម៌នឹងប្រមូលតួអង្គសំខាន់ៗ ក្នុងរឿងយុត្តិធម៌ព្រហ្មទណ្ឌ ដូចជាតុលាការ ចៅក្រម ព្រះរាជអាជ្ញា មន្ត្រីនគរបាលយុត្តិធម៌ សង្គមស៊ីវិល និងអង្គការដៃគូអភិវឌ្ឍន៍ ដែលធ្វើការងារផ្នែកព្រហ្មទណ្ឌ ដើម្បីពិភាក្សាគ្នារកចំណុចរួមមួយទៅលើរឿងក្ដីព្រហ្មទណ្ឌ ។
ទាក់ទិននឹងបញ្ហាយឺតយ៉ាងក្នុងការមិនអនុវត្តទោសសហគមន៍ អ្នកនាំពាក្យក្រសួងយុត្តិធម៌បានគូសបញ្ជាក់ថា៖ «ដោយសារតែសាធារណជនមិនទាន់យល់ មិនទាន់មានទស្សនៈទំនើប ព្រោះថា ទោសសហគមន៍ គឺទស្សនៈបែបទំនើបរបស់លោកខាងលិច ហើយបរិបទសង្គមយើងមិនទាន់ទទួលស្គាល់ ប្រជាពលរដ្ឋមិនទាន់យល់ដឹង។
ឧទាហរណ៍ ៖ នៅពេលគាត់ឃើញតុលាការកាត់ទោស បើពលរដ្ឋឃើញអ្នកនឹងត្រូវបានកាត់ទោសដោយតុលាការ ស្រាប់តែពេលក្រោយមកឃើញមុខអ្នកនឹងនៅតាមមូលដ្ឋានរបស់គាត់ ពេលនោះគាត់ខឹង ។ ហើយមួយទៀតដូចជាអ្នកសម្លាប់នៅក្រៅប្រព័ន្ធតុលាការ ហើយឃើញអ្នកនឹងនៅក្រៅឃុំឃាំង នោះនឹងឃើញអ្នកនឹងធ្វើឲ្យមានកំហឹងទៅវាយអ្នកនោះទៀត នឹងធ្វើឲ្យមានកំហឹង ។ អីញ្ចឹងទាក់ទង និងទោសសហគមន៍យើងមិនទាន់អនុវត្តន៍ទេ ប៉ុន្តែធ្វើតាមរយៈការផ្សព្វផ្សាយដល់សហគមន៍សិន»៕
ចែករំលែកព័តមាននេះ