សម្តេតេជោ បន្តជម្រុញឱ្យមន្ត្រីដើរឱ្យទាន់បច្ចេកវិទ្យា
- ភ្នំពេញ
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ១ ធ្នូនេះ បន្តជម្រុញ និងលើកទឹកចិត្តដល់មន្ត្រីរដ្ឋាភិបាលកម្ពុជាឱ្យយកចិត្តទុកដាក់រៀនសូត្រ…
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ១ ធ្នូនេះ បន្តជម្រុញ និងលើកទឹកចិត្តដល់មន្ត្រីរដ្ឋាភិបាលកម្ពុជាឱ្យយកចិត្តទុកដាក់រៀនសូត្រ…
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ១ ធ្នូនេះ បន្តជម្រុញ និងលើកទឹកចិត្តដល់មន្ត្រីរដ្ឋាភិបាលកម្ពុជាឱ្យយកចិត្តទុកដាក់រៀនសូត្រ ដើរឱ្យទាន់បច្ចេកវិទ្យា ជាពិសេសគឺត្រូវចេះប្រើប្រាស់បច្ចេកវិទ្យារួមទាំង Computer, Smart Phone, Apps ដែលជួយសម្រួលការងារបានរហ័ស និងមានប្រសិទ្ធភាពបំផុត។
សម្តេចបញ្ជាក់ថា៖ «បច្ចេកវិទ្យាគឺបានទប់ស្កាត់អំពើពុករលួយ និងជួយសម្រួលឱ្យការងារបានសម្រេចឆាប់រហ័សទៀតផង»។ សម្តេចបន្តថា គឺសម្តេចចង់ឱ្យពលរដ្ឋកម្ពុជាក្លាយជា E-People ទន្ទឹមនឹងការខិតខំប្រឹងប្រែងក្នុងការជំរុញឱ្យរាជរដ្ឋាភិបាលកម្ពុជាក្លាយជា E-Government។
សម្តេចបានលើកឡើងបែបនេះ បន្ទាប់ពីសម្ដេចអគ្គមហាបតីតេជោ ហ៊ុន សែន នៅព្រឹកថ្ងៃទី១ ធ្នូនេះ បានអញ្ជើញទស្សនកិច្ចនៅមជ្ឈមណ្ឌលសេវាកម្មរដ្ឋបាលនៃសាលាក្រុងប៉េកាំង ដែលបំពាក់ដោយបច្ចេកវិទ្យាទំនើបទាន់សម័យ ដែលផ្តល់សេវាកម្មបម្រើប្រជាជនចិន រួមទាំងអាជីវករបានលឿនរហ័សទាន់ចិត្ត ដែលយើងហៅថា ជា (E-Government) ។ សម្តេចតេជោនាយករដ្ឋមន្ត្រី ត្រូវបានទទួលស្វាគមន៍រាក់ទាក់យ៉ាងកក់ក្ដៅពីមន្ត្រីជាន់ខ្ពស់ជាច្រើនរូបរបស់ប្រទេសចិនផងដែរ។
សូមបញ្ជាក់ថា ពលរដ្ឋចិន រួមទាំងអាជីវករទូទៅដែលមកប្រើប្រាស់សេវានៅទីនេះ គឺត្រូវចាប់លេខរៀងពីទូរម៉ាស៊ីន អ្នកមកមុន គឺបានមុន អ្នកមកក្រោយគឺបានតាមលេខរៀង។ បន្ទាប់មកត្រូវរង់ចាំលេខរបស់ខ្លួន មុននឹងបានជួបជាមួយមន្ត្រីបម្រើសេវាកម្ម ក្នុងនោះក៏មានសេវាកម្មកម្ចីឥណទាន និងសេវាកម្មបើកក្រុមហ៊ុនជាដើម។ ក្រោយពីបានយកលិខិតដែលមានលេខកូដ (Bar Code) មក Scan ជាមួយម៉ាស៊ីនដែលភ្ជាប់ជាមួយប្រព័ន្ធ Computer Network រួចហើយ គឺនឹងបំពេញទិន្នន័យអ្នស្នើសុំចូលទៅក្នុង System របស់សាលាក្រុង។ បន្ទាប់មកអ្នកដាក់ពាក្យអាចរង់ចាំទទួលលទ្ធផល។ ដូចជាពាក្យស្នើសុំបើកក្រុមហ៊ុន បើអ្នកដាក់ពាក្យបានបំពេញបែបបទត្រឹមត្រូវអស់ហើយ គឺរវាង២០ថ្ងៃអាចចេញវិញ្ញាបនប័ត្រជូន ដែលអ្នកស្នើសុំអាចចូលទៅ Website Online ហើយ Print ចេញពី Computer នៅផ្ទះរបស់ខ្លួនបាន ដោយមិនចាំបាច់ចំណាយពេលមកកាន់សាលាក្រុងទៀតឡើយ។ រាល់នូវទិន្ន័យអតិថិជនទាំងអស់ គឺរក្សាទុកនៅក្នុងប្រព័ន្ធ Cloud Server ដែលសាលាក្រុងប៉េកាំង បានរៀបចំប្រព័ន្ធថែរក្សា និងការពារបំពាក់ដោយឧបករណ៍ការពារសុវត្ថិភាពទំនើបៗដែលរៀបចំដោយក្រុមហ៊ុនបច្ចេកវិទ្យា Huawei ។ កាប្រើប្រាស់បច្ចេកវិទ្យាទំនើប គឺអាចកាត់បន្ថយការចំណាយលើបុគ្គលិកក៏បានច្រើនផងដែរ៕
ចែករំលែកព័តមាននេះ