ឪពុករបស់ Neymar ស្រាយចម្ងល់រឿងទៅលេងនៅក្លឹប Real Madrid ហើយ
តាមប្រភពព័ត៌មាន Metro បានឲ្យដឹងថា ឪពុករបស់កីឡាករល្បី Neymar បានឆ្លើយតបនឹងពាក្យចចាមអារ៉ាម ដែលថា Neymar នឹងចាកចេញពី PSG…
តាមប្រភពព័ត៌មាន Metro បានឲ្យដឹងថា ឪពុករបស់កីឡាករល្បី Neymar បានឆ្លើយតបនឹងពាក្យចចាមអារ៉ាម ដែលថា Neymar នឹងចាកចេញពី PSG…
តាមប្រភពព័ត៌មាន Metro បានឲ្យដឹងថា ឪពុករបស់កីឡាករល្បី Neymar បានឆ្លើយតបនឹងពាក្យចចាមអារ៉ាម ដែលថា Neymar នឹងចាកចេញពី PSG ទៅ Real Madrid ជំនួសកៅអី Ronaldo ។
ទោះបីជា Neymar ទើបតែមកលេងនៅ PSG មិនទាន់ក្តៅជើងនៅឡើយក្តី មានពាក្យចចាមអារ៉ាមថា Neymar នឹងអាចទៅលេងឲ្យក្លឹប Real Madrid វិញ ដើម្បីជំនួសកន្លែងរបស់ Cristiano Ronaldo ។
ឪពុករបស់ Neymar ដែលតែងតែដើរតួជាភ្នាក់ងារផងនោះ បានមានប្រសាសន៍បកស្រាយថា ៖ « ពួកយើងមិនបានគិតថាចង់ចេញនោះទេ ។ វាពិតជាមិនអាចទៅរួច ។ ខ្ញុំអាចនឹងទៅនិយាយរឿងប្តូរក្លឹបបានទេនៅពេលនេះ ។ យ៉ាងហោចណាស់ក៏៥ ឬ៦ឆ្នាំទៅមុខដែរ ។ កុងត្រារបស់ Neymar នៅ PSG វែងណាស់ ហើយពេលនេះទើបតែចូលថ្មីផង ។ មកលេងមិនទាន់ទាំងបាន៣ខែផង មានពាក្យនិយាយបែបនេះទៅហើយ ។ ខ្ញុំពិតជាពិបាកក្នុងការឆ្លើយតបទៅនឹងរឿងហ្នឹងណាស់ ។ »
គួរបញ្ជាក់ផងដែរថា កាលពីដើមរដូវកាលថ្មីនេះ Neymar បានក្លាយទៅជាកីឡាករថ្លៃជាងគេក្នុងប្រវត្តិសាស្ត្របាល់ទាត់ ដោយសារតែក្លឹបអ្នកមានបារាំងហ៊ានជះលុយ ២៦៨លានដុល្លារអាមេរិកដើម្បីទិញ ។ តាំងពីបានចូលលេងនៅ PSG មក Neymar រកគ្រាប់បាន១៤គ្រាប់ ក្នុងការប្រកួត១៥លើក ៕
ចែករំលែកព័តមាននេះ