ខេត្តប៉ៃលិន ៖ មានករណីហិង្សាមួយបានកើតឡើង ដោយប្រពន្ធបានយកកូនកាំបិតចាក់ទៅលើប្ដីរបស់ខ្លួនចំនួន២កាំបិត បណ្តាលឱ្យរងរបួស២កន្លែងធ្ងន់ធ្ងរ បន្ទាប់ពីឈ្លោះទាស់ទែងពាក្យសម្តីរវាងគ្នានឹងគ្នារួចមក ដោយជេរបញ្ចោរគ្នាចុះឡើងៗ ស្រាប់តែប្រពន្ធចាក់របួសធ្ងន់តែម្តង។ ហេតុការណ៍ប្រពន្ធចាក់ប្តីរងរបួសធ្ងន់នេះ បានកើតឡើងកាលពីវេលាម៉ោង៨…
ខេត្តប៉ៃលិន ៖ មានករណីហិង្សាមួយបានកើតឡើង ដោយប្រពន្ធបានយកកូនកាំបិតចាក់ទៅលើប្ដីរបស់ខ្លួនចំនួន២កាំបិត បណ្តាលឱ្យរងរបួស២កន្លែងធ្ងន់ធ្ងរ បន្ទាប់ពីឈ្លោះទាស់ទែងពាក្យសម្តីរវាងគ្នានឹងគ្នារួចមក ដោយជេរបញ្ចោរគ្នាចុះឡើងៗ ស្រាប់តែប្រពន្ធចាក់របួសធ្ងន់តែម្តង។ ហេតុការណ៍ប្រពន្ធចាក់ប្តីរងរបួសធ្ងន់នេះ បានកើតឡើងកាលពីវេលាម៉ោង៨ និង២០នាទី យប់ថ្ងៃទី២៩ ខែវិច្ឆិកា ឆ្នាំ២០១៧ ស្ថិតនៅចំណុចផ្ទះជនរងគ្រោះក្នុងដីឡូតិ៍មួយកន្លែង ក្នុងភូមិចំការកាហ្វេ សង្កាត់ទួលល្វា ក្រុងប៉ៃលិន។ ប្រភពព័ត៌មានបានឱ្យដឹងថា ជនរងគ្រោះមានឈ្មោះ ពិន បេ អាយុ៤១ឆ្នាំ ជាកម្មករសំណង់ មានប្រពន្ធ២នាក់ ទី១ឈ្មោះ តេង រ៉ង អាយុ៤៦ឆ្នាំ ជាអ្នកធ្វើចម្ការ បច្ចុប្បន្នរស់នៅភូមិឆេះបានឡាំង ឃុំអធិបតី ស្រុកកោះក្រឡ ខេត្តបាត់ដំបង មានកូន៤នាក់។ រីឯប្រពន្ធទី២ ដែលជាអ្នកបង្ករបួសស្នាមនោះ ឈ្មោះ រុន ស្រី អាយុ៤៦ឆ្នាំ ជាមេផ្ទះ មានស្រុកកំណើតនៅភូមិជាមួយប្រពន្ធទី១ មានកូនប្រុសម្នាក់ អាយុ៣ខែ បច្ចុប្បន្នរស់នៅក្នុងភូមិកើតហេតុខាងលើ។
ប្រភពបន្តទៀតថា ក្រោយពីមានករណីអំពើហិង្សាចាក់ទៅលើប្តីរបស់ខ្លួន ស្ត្រីជាប្រពន្ធ ត្រូវបានសមត្ថកិច្ចឃាត់ខ្លួនបញ្ជូនទៅសួរនាំនៅប៉ុស្ថិ៍នគរបាលសង្កាត់ទួលល្វា រួចបញ្ជូនទៅអធិការនគរបាលក្រុងប៉ៃលិន ដើម្បីធ្វើកិច្ចសន្យា រួចឱ្យវិលត្រលប់ទៅផ្ទះវិញ។ ចំណែកជនរងគ្រោះជាប្ដីកំពុងសម្រាកព្យាបាលនៅមន្ទីរពេទ្យបង្អែកខេត្ត។ ចំណែកមន្ត្រីនគរបាលប៉ុស្តិ៍ទួលល្វាបានឱ្យដឹងថា បុរសខាងលើត្រូវបានប្រពន្ធស្ត្រីទី២ ចាក់២កាំបិតចិតបន្លែមុខស្រួច ត្រូវចំ២កន្លែង ដោយកន្លែងទី១ ចាក់ចំសាច់គូទផ្នែកខាងឆ្វេងរងរបួសធ្ងន់។ តែ១កន្លែងទៀតចាក់ចំក្បែរសាច់បំពង់ក បណ្ដាលឱ្យរងរបួសធ្ងន់ ហូរឈាមជោគខ្លួននៅកន្លែងកើតហេតុ។
មន្ត្រីសមត្ថកិច្ចបានបន្តថា ករណីនេះ ដោយសារបុរសជាប្ដីបានទូរស័ព្ទពីកន្លែងធ្វើការសំណង់ មកប្រពន្ធតែនាងមិនលើក លុះពេលមកដល់ផ្ទះឃើញប្រពន្ធកំពុងផឹកស្រាជាមួយអ្នកជិតខាង ក៏ដើរចូលទៅផ្ទះបាយរួចបើកឆ្នាំងបាយឆ្នាំងសម្លមើល តែមិនឃើញអ្វីនៅក្នុងឆ្នាំង ក៏មានចិត្តខឹងប្រពន្ធ រួចក៏បន្ទោសប្រពន្ធថាមិនព្រមទៅទិញសម្លយកមកហូបបាយ។ ពេលនោះប្រពន្ធបានឆ្លើយទៅវិញថា មានលុយពីណាបើមិនឱ្យនាងផង។ ក្រោយមកស្រាប់តែកើតទៅជាជម្លោះពាក្យសម្ដីរហូតដល់ជេរបញ្ចោរដាក់គ្នាទៅវិញទៅមក រហូតដល់ប្រើអំហិង្សា ទើបប្រពន្ធចាក់ប្តីរងរបួសធ្ងន់ធ្ងរតែម្ដង៕
ចែករំលែកព័តមាននេះ