ឆេះសំរាមផ្អើលប្រជាពលរដ្ឋ និងសមត្ថកិច្ចមកពន្លត់
- ភ្នំពេញ
រាជធានីភ្នំពេញ ៖ នៅវេលាម៉ោង៨ និង៥០នាទីយប់ ថ្ងៃទី៣០ វិច្ឆិកា ២០១៧នេះ នៅត្រង់ចំណុចដីឡូត៍ខាងក្រោយការិយាល័យលក់ ឆ្នេរសមុទ្រខៀវ ស្ថិតតាមបណ្ដោយផ្លូវសហព័ន្ធរុស្សី…
រាជធានីភ្នំពេញ ៖ នៅវេលាម៉ោង៨ និង៥០នាទីយប់ ថ្ងៃទី៣០ វិច្ឆិកា ២០១៧នេះ នៅត្រង់ចំណុចដីឡូត៍ខាងក្រោយការិយាល័យលក់ ឆ្នេរសមុទ្រខៀវ ស្ថិតតាមបណ្ដោយផ្លូវសហព័ន្ធរុស្សី ក្នុងសង្កាត់ផ្សារដេប៉ូ៣ ខណ្ឌទួលគោក មានអគ្គិភ័យឆាបឆេះសំរាម ហើយបានរាលដាលឆេះខ្ទមជនអនាថា។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឮសំឡេងផ្ទុះនៅម្ដុំកន្លែងកើតហេតុ មួយសន្ទុះក្រោយមកគេបានឃើញអណ្ដាតភ្លើងបានឆេះឡើងយ៉ាងសន្ធោសន្ធៅផងដែរ។ ខណៈនោះប្រជាពលរដ្ឋដែលបានឃើញហេតុការណ៍ ក៏នាំគ្នាទាក់ទងទៅកាន់សមត្ថកិច្ចមូលដ្ឋានឲ្យមកជួយអន្តរាគមន៍ ហើយនាំគ្នាយកបំពង់ពន្លត់អគ្គិភ័យប្រមាណជា៧ទៅ៨បំពង់ និងបាល់ពន្លត់អគ្គិភ័យចំនួន៤មកបាញ់ពន្លត់។
តែដោយមើលឃើញថាមិនអាចគ្រប់គ្រងស្ថានការណ៍អំណាចភ្លើងបាន ទើបសមត្ថកិច្ចមូលដ្ឋានទាក់ទងទៅកាន់អង្គភាពពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ ១គ្រឿងមកជួយបាញ់ពន្លត់ទើបអគ្គិភ័យបានរលត់ទៅវិញជាស្ថាពរ។ គួរបញ្ជាក់ផងដែរថា ទីតាំងដែលអគ្គិភ័យបានឆាបឆេះខាងលើនេះ គឺជាខ្ទមរបស់ជនអនាថាដែលសង់ស្នាក់នៅ សមត្ថកិច្ចបានដាក់ការសង្ស័យថា ប្រហែលមានអ្នកដុតសំរាមនៅម្ដុំនោះ ហើយមានការរាលដាលទើបបណ្ដាលឲ្យមានអគ្គិភ័យឆាបឆេះបែបនេះកើតឡើង៕
ចែករំលែកព័តមាននេះ