ស្ត្រីដែលមានផ្ទៃពោះមិនមែនសុទ្ធតែទទួលបានការលួងលោម និងការថ្នាក់ថ្នមពីមនុស្សជាទីស្រឡាញ់ទាំងអស់នោះទេ ។ វាពិតជាមានការលំបាកណាស់សម្រាប់ស្ត្រីមានផ្ទៃពោះក្នុងរយៈ ពេល៩ខែ ហើយជាញឹកញាប់វាតែងតែមានផលវិបាកមួយចំនួនធំ។
បញ្ហាមួយក្នុងចំណោមបញ្ហាដែលកើតឡើងពេលមានផ្ទៃពោះ គឺបញ្ហាឆ្អល់ចុង ដង្ហើម ។
ខាងក្រោមនេះគឺជាគន្លឹះមួយចំនួនដែលអាចជួយអ្នកក្នុងការដោះស្រាយបញ្ហានេះ ។
១-ទទួលទានអាហារ៦ពេលក្នុង១ថ្ងៃ
ជំនួសឱ្យការទទួលទានអាហារដ៏ច្រើនក្នុងពេលតែម្តង ស្ត្រីមានផ្ទៃពោះគួរតែបំបែកអាហារទាំងនោះទៅជាអាហារ តូចៗ ។ ការឃ្លានរយៈពេលយូរពេកក៏អាចបង្កឲ្យឃ្លានកាន់តែខ្លាំង និងបរិភោគហួសកម្រិតដែលអាចនាំឲ្យមានអាការឆ្អល់ចុងដង្ហើម ។
២-ទំពាអាហារឲ្យបានម៉ត់
សូមសាកល្បងវិធីនេះ សូមរាប់ពី១ទៅ១០មុនពេលអ្នកលេបអាហារ នីមួយៗ ។ នេះមិនមែនជារឿងកំប្លែងទេ ប្រសិនបើស្ត្រីមានផ្ទៃពោះទំពាអាហារបានត្រឹមត្រូវមុនពេលលេប វាអាចជួយដល់ការរំលាយអាហារ និងកាត់បន្ថយអាការឆ្អល់ចុងដង្ហើម ។
៣-កុំលាយសារធាតុរាវ និងរឹងរួមគ្នា
ទោះបីជាវាល្អក្នុងការទទួលទានទឹកពី៨ទៅ១០កែវក្នុង១ថ្ងៃអំឡុងពេលមានផ្ទៃពោះក៏ដោយ វាជាទម្លាប់ល្អមួយដែលអ្នកមិនគួរទទួលទានទឹកជាមួយអាហាររបស់អ្នក ។ អ្នកប្រហែលជាមិនចង់ហើមពោះខណៈពេលដែលទទួលទានអាហារមួយពេល និងបង្កើតបញ្ហាបន្ថែមទៀតនោះទេ ។ សូមបរិភោគអាហារតិចតួច និងជៀសវាងការទទួលទានសារធាតុរាវច្រើនពេកក្នុងពេលបរិភោគអាហារដើម្បីជៀសវាងអាការឆ្អល់ចុងដង្ហើម ។
៤-ធ្វើលំហាត់ប្រាណ និងមានសុខភាពល្អ
សូមព្យាយាមសម្រេចបាននូវការឡើងទម្ងន់ដែលល្អចំពោះសុខភាពអំឡុងពេលមានផ្ទៃពោះ និងធ្វើលំហាត់ប្រាណតាមការណែនាំរបស់វេជ្ជបណ្ឌិត ។ ការធ្វើលំហាត់ប្រាណនឹងជួយឱ្យប្រព័ន្ធរាងកាយរបស់អ្នកដំណើរការបានល្អបំផុត និងប្រយុទ្ធប្រឆាំងនឹងរោគសញ្ញានៃការឆ្អល់ចុងដង្ហើម ។
៥-ពិនិត្យមើលការគេងរបស់អ្នក
សូមប្រាកដថាអ្នករក្សារាងកាយផ្នែកខាងលើរបស់អ្នកឱ្យបានខ្ពស់បន្តិចប្រសិនបើអ្នកទទួលទានអាហារពេលល្ងាចច្រើនពេកដើម្បីកុំឲ្យអាស៊ីតក្រពះច្រាលឡើង និងបណ្តាលឲ្យមានអាការឆ្អល់ចុងដង្ហើម ៕
ចែករំលែកព័តមាននេះ