Facebook Messenger អនុញ្ញាតឱ្យអ្នកផ្ញើរូបទំហំ 4K
កម្មវិធី Facebook Messenger បានអនុញ្ញាតឲ្យអ្នកប្រើប្រាស់អាចផ្ញើ និងចែករំលែករូបភាពទំហំធំៗ ខណៈកំពុងជជែកជាមួយមិត្តភក្តិ ។ កាលពីពេលថ្មីៗកន្លងមកនេះ Facebook បានប្រកាសថា…
កម្មវិធី Facebook Messenger បានអនុញ្ញាតឲ្យអ្នកប្រើប្រាស់អាចផ្ញើ និងចែករំលែករូបភាពទំហំធំៗ ខណៈកំពុងជជែកជាមួយមិត្តភក្តិ ។ កាលពីពេលថ្មីៗកន្លងមកនេះ Facebook បានប្រកាសថា…
កម្មវិធី Facebook Messenger បានអនុញ្ញាតឲ្យអ្នកប្រើប្រាស់អាចផ្ញើ និងចែករំលែករូបភាពទំហំធំៗ ខណៈកំពុងជជែកជាមួយមិត្តភក្តិ ។
កាលពីពេលថ្មីៗកន្លងមកនេះ Facebook បានប្រកាសថា នឹងមានការ Update ថ្មីសម្រាប់កម្មវិធី Messenger ដែលអនុញ្ញាតឲ្យអ្នកប្រើប្រាស់អាចផ្ញើរូបភាពទំហំដល់ 4K។
ការ Update នេះធ្វើឲ្យកម្មវិធី Messenger ផ្ញើ និងទទួលរូបភាពទំហំដល់ទៅ៤.០៩៦ហ្វិចសែល ។ Facebook បន្តថា ទោះជាបែបនេះក្តី ល្បឿននៃការផ្ញើ គឺនៅតែលឿនដូចពេលមិនទាន់ Update ដដែល ។
Facebook បន្តទៀតថា 4K គឺជាទំហំរូបភាពធម្មតាដែលថតចេញពីកាមេរ៉ាស្មាតហ្វូន។ ដូច្នេះ ការ Update ថ្មីនេះ នឹងអនុញ្ញាតឲ្យរូបភាពផ្ញើចេញតាម Messenger ច្បាស់ជាងមុន ។
ក្រុមហ៊ុននេះនិយាយថា អ្នកប្រើប្រាស់បានផ្ញើរូបភាពតាមកម្មវិធីនេះប្រមាណ១៧ប៊ីលានរូបភាពក្នុង១ខែ ។ ដូច្នេះ ការ Update នេះពិតជាសំខាន់ណាស់ ។ រាល់អ្នកប្រើប្រាស់ដែលចង់ផ្ញើរូបភាពក្នុងទំហំនេះ គ្រាន់តែ Update កម្មវិធីជាការស្រេច ។
Facebook បន្ថែមទៀតថា អ្នកប្រើប្រាស់អាចបង្ហាញពីអារម្មណ៍កាន់តែខ្លាំងជាងមុនតាមការផ្ញើរូបភាព ខណៈពួកគេជជែកគ្នាតាមកម្មវិធីនេះ ។
ទោះយ៉ាងណា ការ Update នេះសម្រាប់តែសហរដ្ឋអាមេរិក, កាណាដា, បារាំង, អូស្ត្រាលី, ចក្រភពអង់គ្លេស, សិង្ហបុរី, ហុងកុង, ជប៉ុន និងកូរ៉េខាងត្បូងប៉ុណ្ណោះ ។ ប៉ុន្តែ Facebook និយាយថា ប្រទេសមួយចំនួនទៀតនឹងអាច Update វាបានក្នុងរយៈពេលប៉ុន្មានសប្តាហ៍ខាងមុខនេះ ៕
ចែករំលែកព័តមាននេះ