ខេត្តព្រះសីហនុ ៖ លោកឧកញ៉ាទៀ វិចិត្រ បាននាំយកថវិកាចំនួន៩០០ដុល្លាអាមេរិក និងប្រាក់រៀលចំនួន២លានរៀលបន្ថែមទៀត ទៅឧបត្ថម្ភដល់ស្ត្រីជាកម្មការីនីរោងចក្រម្នាក់ឈ្មោះ រុន សម្ផស្ស អាយុ២៤ឆ្នាំ…
ខេត្តព្រះសីហនុ ៖ លោកឧកញ៉ាទៀ វិចិត្រ បាននាំយកថវិកាចំនួន៩០០ដុល្លាអាមេរិក និងប្រាក់រៀលចំនួន២លានរៀលបន្ថែមទៀត ទៅឧបត្ថម្ភដល់ស្ត្រីជាកម្មការីនីរោងចក្រម្នាក់ឈ្មោះ រុន សម្ផស្ស អាយុ២៤ឆ្នាំ នៅព្រឹកថ្ងៃទី២៩ ខែវិច្ឆិកា ឆ្នាំ២០១៧ ដែលសម្រាលកូនដោយការវះកាត់ម្នាក់ឯង ខណៈប្តីនាងរត់ចោលបានកូនភ្លោះ០២នាក់(ប្រុស) នៅមន្ទីរពេទ្យបង្អែកខេត្តព្រះសីហនុ ។
ក្រោយទទួលដំណឹងពីក្រុមគ្រូពេទ្យថា ស្ត្រីរូបនេះក្រីក្រលំបាកខ្វះមុខខ្វះក្រោយ រហូតមានបំណងចង់ឲ្យកូនភ្លោះទាំងពីរ ដែលទើបសម្រាលរួចទៅគេចិញ្ចឹមទៀតផង ប៉ុន្តែក្រោយមកបានដូរចិត្តរក្សាទុកកូនតូចទាំង០២ ចិញ្ចឹមខ្លួនឯងវិញ ។
លោកឧកញ៉ាទៀ វិចិត្របានលើកទឹកចិត្តនៅចំពោះមុខស្ត្រីរូបនេះ ជាម្តាយដែលបានតស៊ូបន្តចិញ្ចឹមកូនភ្លោះរបស់ខ្លួនឡើងវិញ ហើយលោកឧកញ្ញាបានបន្តថា ការផ្តល់ជំនួយជូនស្ត្រីជាកម្មការីនីរូបនេះ គឺធ្វើឡើងក្នុងន័យសប្បុរសធម៌ មនុស្សធម៌ ស្របតាមគោលការណ៍ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោហ៊ុន សែន ។ ក្រៅពីថវិកាខាងលើ លោកឧកញ៉ាទៀ វិចិត្រ បានឧបត្ថម្ភសម្ភារសម្រាប់ទារកទាំង០២ ចំនួន០២កំផ្លេព្រមទាំងម្សៅទឹកដោះគោមួយចំនួនទៀតផង ។
ជាមួយនឹងការថ្លែងអំណរគុណដល់លោកឧកញ៉ា ដែលបានផ្តល់ជំនួយខាងលើ ស្ត្រីមិនមានប្តីជាទីពឹងបានរៀបរាប់បន្ថែមថា បច្ចុប្បន្នគាត់ស្នាក់នៅផ្ទះជួល នៅក្រោយផ្សារវាលរេញស្រុកព្រៃនប់ក្នុងមួយខែ៧ម៉ឺនរៀល និងប្តីគាត់បានបោះបង់ចោលគាត់មិនរស់នៅជាមួយគ្នាទេ ។ ក្នុងឱកាសនោះ ក្រៅពីឧបត្ថម្ភស្ត្រីជាកម្មការីនីខាងលើ លោកឧកញ៉ាទៀ វិចិត្របានឧបត្ថម្ភថវិកាចំនួន៨០ម៉ឺនរៀលដល់ស្ត្រីឆ្លងទន្លេ និងអ្នកជំងឺសម្រាកក្នុងបន្ទប់ពេទ្យជាមួយគ្នាចំនួន០៥រូបផ្សេងទៀតផងដែរ ៕
ចែករំលែកព័តមាននេះ