រាជធានីភ្នំពេញ ៖ ជនសង្ស័យជាមុខសញ្ញាចោរកាច់កម៉ូតូយ៉ាងសកម្ម និងប្រើប្រាស់គ្រឿងញៀនចំនួន ៥នាក់ត្រូវបានកម្លាំងនគរបាលខណ្ឌសែនសុខសហការណ៍ជាមួយប៉ុស្តិ៍អូបែកក្អមឃាត់ខ្លួនជាបន្ទាប់កាលពីវេលាទាបភ្លឺ ថ្ងៃទី២៩ ខែវិច្ឆិកា ឆ្នាំ២០១៧ នៅតាមផ្លូវបេតុងក្នុងភូមិអរគីដេ សង្កាត់អូរបែកក្អមខណ្ឌសែនសុខ។…
រាជធានីភ្នំពេញ ៖ ជនសង្ស័យជាមុខសញ្ញាចោរកាច់កម៉ូតូយ៉ាងសកម្ម និងប្រើប្រាស់គ្រឿងញៀនចំនួន ៥នាក់ត្រូវបានកម្លាំងនគរបាលខណ្ឌសែនសុខសហការណ៍ជាមួយប៉ុស្តិ៍អូបែកក្អមឃាត់ខ្លួនជាបន្ទាប់កាលពីវេលាទាបភ្លឺ ថ្ងៃទី២៩ ខែវិច្ឆិកា ឆ្នាំ២០១៧ នៅតាមផ្លូវបេតុងក្នុងភូមិអរគីដេ សង្កាត់អូរបែកក្អមខណ្ឌសែនសុខ។ ជនសង្ស័យដែលត្រូវឃាត់ខ្លួន ១.ឈ្មោះ យស់ វុទ្ធី អាយុ៣១ឆ្នាំ មុខរបរមិនពិតប្រាកដស្នាក់នៅបន្ទប់ជួលលេខ៤ ក្នុងសង្កាត់បឹងកក់២ ខណ្ឌទួលគោក និង២.ឈ្មោះ នី សីហា អាយុ២២ឆ្នាំ មុខរបរមិនពិតប្រាកដ ,៣.ឈ្មោះ ពេជ្រ មករា អាយុ២១ឆ្នាំ ស្នាក់នៅភូមិបុរីកម្មករ សង្កាត់ទឹកថ្លា ខណ្ឌសែនសុខ,៤.ឈ្មោះ ធី ចំរើន អាយុ២០ឆ្នាំ មុខរបរមិនពិតប្រាកដ ស្នាក់នៅភូមិបុរីកម្មករ សង្កាត់ទឹកថ្លា និង៥.ឈ្មោះ គង់ សារី អាយុ២២ឆ្នាំ មុខរបរមិនពិតប្រាកដ ស្នាក់នៅភូមិអណ្តូង សង្កាត់គោករកា ខណ្ឌព្រែកព្នៅ។
បន្ទាប់ពីឃាត់ខ្លួនសមត្ថកិច្ចដកហូតឧបករណ៍កាច់ក និងឆ្កឹះសោម៉ូតូចំនួន២ឈុត ម៉ូតូ២គ្រឿង ម៉ាកហុងដា ឌ្រីមសេ១២៥ ពណ៌ខ្មៅ ស៊េរី២០១៥ មួយគ្រឿង និងម៉ូតូម៉ាកវ៉េវអាល់ហ្វាពណ៌ក្រហមមួយគ្រឿង។ តាមនគរបាលខណ្ឌសែនសុខ បានឲ្យដឹងថានៅវេលាទាបភ្លឺ កម្លាំងប៉ុស្តិ៍បានជិះល្បាតក្នុងមូលដ្ឋានបានឃើញក្រុមសង្ស័យជិះម៉ូតូនៅតាមផ្លូវបេតុង ដោយមានការសង្ស័យសមត្ថកិច្ចក៏បានឃាត់សាកសួរ ត្រួតពិនិត្យក៏ឃើញដែកកែឆ្នៃដែលជាឧបករណ៍សម្រាប់កាច់ក និងឆ្កឹះសោម៉ូតូនៅជាប់ខ្លួនហើយឃាត់ខ្លួនតែម្តង។ បន្ទាប់ពីឃាត់ខ្លួនសមត្ថកិច្ចធ្វើតេស្តទឹកនោមរកសារធាតុញៀនផងដែរ។ តាមនគរបាលបានឲ្យដឹងទៀតថា ជនសង្ស័យជាមុខសញ្ញាលួចកាច់កយ៉ាងសកម្ម និងប្រើប្រាស់គ្រឿងញៀន។ តាមចម្លើយសារភាពបានឲ្យដឹងថា នៅវេលាទាបភ្លឺពួកគេបានជិះម៉ូតូចេញធ្វើសកម្មភាពលួចក៏បានជួបនគរបាលឃាត់ខ្លួនតែម្តង៕ ម៉េង ធា
ចែករំលែកព័តមាននេះ