ខេត្តកណ្ដាល ៖ បុរសម្នាក់ពិការជើងទាំង២ដោយសារសង្គ្រាមពេលធ្វើកងទ័ពបានចាប់យកមុខរបរជួញដូរគ្រឿងញៀន និងបានធ្វើសកម្មភាពជួញដូរអស់រយៈពេលជាង១ឆ្នាំមកហើយរហូតតែនៅវេលាម៉ោង២និង៤០នាទីរសៀលថ្ងៃទី២៨ ខែវិច្ឆិកា ឆ្នាំ២០១៧ត្រូវបានកម្លាំងនគរបាលល្បាតប្រទះឃើញក៏ធ្វើការចាប់ខ្លួនពេលអង្គុយតាមផ្លូវលំ លក់គ្រឿងញៀនទាំងថ្ងៃ មុខវត្តឈូកក្រពុំ នៅក្នុងភូមិខ្នា ឃុំទួលព្រេច…
ខេត្តកណ្ដាល ៖ បុរសម្នាក់ពិការជើងទាំង២ដោយសារសង្គ្រាមពេលធ្វើកងទ័ពបានចាប់យកមុខរបរជួញដូរគ្រឿងញៀន និងបានធ្វើសកម្មភាពជួញដូរអស់រយៈពេលជាង១ឆ្នាំមកហើយរហូតតែនៅវេលាម៉ោង២និង៤០នាទីរសៀលថ្ងៃទី២៨ ខែវិច្ឆិកា ឆ្នាំ២០១៧ត្រូវបានកម្លាំងនគរបាលល្បាតប្រទះឃើញក៏ធ្វើការចាប់ខ្លួនពេលអង្គុយតាមផ្លូវលំ លក់គ្រឿងញៀនទាំងថ្ងៃ មុខវត្តឈូកក្រពុំ នៅក្នុងភូមិខ្នា ឃុំទួលព្រេច ស្រុកអង្គស្នួល ខេត្តកណ្តាល ។
ជនសង្ស័យខាងលើឈ្មោះភិន ម៉ៅ អាយុ៥៣ឆ្នាំ ជនជាតិខ្មែរ គាត់ពិការជើងទាំង២ ដាច់ត្រឹមភ្លៅតែម្ដង ទីលំនៅក្នុងភូមិព្រៃតាប៉ុក សង្កាត់ឪឡោក ខណ្ឌពោធិ៍សែនជ័យ រាជធានីភ្នំពេញ ។
នគរបាលដកហូតបានចំនួន២កញ្ចប់តូច ទូរស័ព្ទដៃម៉ាកខេមហ្វូន១គ្រឿង លុយចំនួន១៧០,០០០រៀល(ដប់ប្រាំពីរម៉ឺនរៀល) ។ នគរបាលបានឲ្យដឹងថា បុរសខាងលើជាអតីតយោធាដែលបានរងរបួសដាច់ជើងទាំង២ត្រឹមភ្លៅ ក្នុងពេលធ្វើសង្គ្រាម ហើយមួយរយៈពេល១ឆ្នាំចុងក្រោយនេះគាត់បានចាប់យកមុខរបរជួញដូរគ្រឿងញៀនយ៉ាងសកម្មនៅក្នុងភូមិសាស្ត្រ សង្កាត់ឪឡោក ខណ្ឌពោធិ៍សែនជ័យ រាជធានីភ្នំពេញ និងឃុំទួលព្រេច ស្រុកអង្គស្នួល ខេត្តកណ្ដាល ។ គាត់បានធ្វើសកម្មភាពបែបនេះជាបន្តបន្ទាប់រហូតមិនដែលត្រូវបានសមត្ថកិច្ចឃាត់ខ្លួនបានម្ដងណាឡើយ ព្រោះតែឃើញគាត់ជាជនពិការគ្មាននរណាចាប់អារម្មណ៍ថា គាត់ប្រកបមុខរបរខុសច្បាប់ដែលសង្គមកំពុងតែស្អប់ខ្ពើមបែបនេះទេ ។
ដោយឡែកនៅពេលកើតហេតុ គាត់បានជិះម៉ូតូឌុបចេញពីផ្ទះនៅក្នុងភូមិព្រៃតាប៉ុក សង្កាត់ឪឡោក ខណ្ឌពោធិ៍សែនជ័យ រាជធានីភ្នំពេញ ទៅកាន់ត្រង់ចំណុចជិតវត្តឈូកក្រពុំ ស្ថិតនៅក្នុងភូមិខ្នា ឃុំទួលព្រេច ស្រុកអង្គស្នួល ខេត្តកណ្ដាល ។ បន្ទាប់មកគាត់បានអង្គុយនៅទីនោះដែលមានសភាពស្ងាត់ជ្រងំលក់គ្រឿងញៀន ពេលនោះកម្លាំងនគរបាលព្រហ្មទណ្ឌស្រុកអង្គស្នួល និងនគរបាលប៉ុស្ដិ៍ទួលព្រេចចេញល្បាតប្រទះឃើញមានការសង្ស័យក៏បានចូលទៅឆែកឆេរមើលប្រទះឃើញមានគ្រឿងញៀនជាប់ខ្លួនទើបឃាត់នាំទៅសាកសួរហើយបានដឹងថា គាត់គឺជាមុខសញ្ញាជួញដូរគ្រឿងញៀនយ៉ាងសកម្មម្នាក់ជាង១ឆ្នាំមកហើយ ។
គាត់បានសារភាពប្រាប់នគរបាលថា ខ្លួនបានទិញថ្នាំញៀនខាងលើពីបុរសមិនស្គាល់ឈ្មោះម្នាក់នៅម្ដុំបឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ ម្ដងៗក្នុងតម្លៃ១៥ម៉ឺនរៀល ដើម្បីយកទៅវេចខ្ចប់លក់បន្តយកប្រាក់ចំណេញ និងបានរកស៊ីមុខរបរមួយនេះជាង១ឆ្នាំមកហើយ ៕
ចែករំលែកព័តមាននេះ