វៀតណាមអាចនឹងលូតលាស់ឈានមុខក្នុងចំណោមប្រទេសអាស៊ាន
ទីក្រុងហាណូយ ៖ ភ្នាក់ងារ Fitch បានព្យាករថា វៀតណាម និងមីយ៉ាន់ម៉ា នឹងក្លាយជាប្រទេសលូតលាស់សេដ្ឋកិច្ចនាំមុខគេ ក្នុងចំណោមប្រទេសអាស៊ានទាំងអស់ នៅរយៈពេលប៉ុន្មានឆ្នាំខាងមុខ…
ទីក្រុងហាណូយ ៖ ភ្នាក់ងារ Fitch បានព្យាករថា វៀតណាម និងមីយ៉ាន់ម៉ា នឹងក្លាយជាប្រទេសលូតលាស់សេដ្ឋកិច្ចនាំមុខគេ ក្នុងចំណោមប្រទេសអាស៊ានទាំងអស់ នៅរយៈពេលប៉ុន្មានឆ្នាំខាងមុខ…
ទីក្រុងហាណូយ ៖ ភ្នាក់ងារ Fitch បានព្យាករថា វៀតណាម និងមីយ៉ាន់ម៉ា នឹងក្លាយជាប្រទេសលូតលាស់សេដ្ឋកិច្ចនាំមុខគេ ក្នុងចំណោមប្រទេសអាស៊ានទាំងអស់ នៅរយៈពេលប៉ុន្មានឆ្នាំខាងមុខ ។
យោងតាមរបាយការណ៍មួយចេញផ្សាយដោយភ្នាក់ងារខាងលើ កាលពីថ្ងៃសុក្រឲ្យដឹងថា ការលូតលាស់របស់វៀតណាម នឹងជំរុញដោយស្ថានការណ៍នយោបាយមានស្ថិរភាព ការធ្វើកំណែទម្រង់កើនឡើង ស្ថានភាពអាជីវកម្មល្អប្រសើរ និងការលូតលាស់ក្នុងវិស័យផលិតកម្ម ខណៈក្រុមហ៊ុនពហុជាតិបានផ្លាស់ប្តូរទីតាំងផលិតមកកាន់ប្រទេសវៀតណាម ដើម្បីកាត់បន្ថយការចំណាយផ្នែកផលិត ។
របាយការណ៍នេះបន្ថែមថា នារយៈពេល១០ឆ្នាំខាងមុខ ប្រទេសមីយ៉ាន់ម៉ា ក៏អាចនឹងលូតលាស់ជាមធ្យម៧,២%ផងដែរក្នុង១ឆ្នាំ ព្រោះតែការវិនិយោគកើនឡើង ស្ថានភាពអាជីវកម្មល្អប្រសើរ និងស្ថិរភាពនយោបាយ ។
ជាមួយគ្នានេះ ប្រទេសសិង្ហបុរី និងព្រុយណេ ដែលមានផលិតផលក្នុងស្រុកសរុប (GDP) ខ្ពស់រួចទៅហើយ អាចនឹងជួបប្រទះការលូតលាស់អន់ថយទៅវិញ ។
យោងតាមភ្នាក់ងារ Fitch ឲ្យដឹងទៀតថា ទស្សនវិស័យផ្នែកសេដ្ឋកិច្ចនៅអាស៊ីអាគ្នេយ៍មានភាពភ្លឺស្វាងក្នុងរយៈពេលប៉ុន្មានឆ្នាំខាងមុខ ដែលគាំទ្រដោយការធ្វើសមាហរណកម្មកាន់តែស៊ីជម្រៅ ការតភ្ជាប់ផ្នែកដឹកជញ្ជូនល្អប្រសើរ និងការបន្តធ្វើកំណែទម្រង់ផ្សេងៗ ។
BMI Research របស់ភ្នាក់ងារ Fitch និយាយថា កិច្ចព្រមព្រៀងដៃគូសេដ្ឋកិច្ចយោគយល់ក្នុងតំបន់ (RCEP) និងការផ្តួចផ្តើមគំនិតខ្សែក្រវាត់ និងវិថីរបស់ចិន នឹងធ្វើឲ្យប្រទេសក្នុងតំបន់កាន់តែរួបរួមគ្នា ព្រមទាំងជំរុញការលូតលាស់នាពេលអនាគត ៕
ចែករំលែកព័តមាននេះ