ខេត្តកណ្ដាល ៖ បុរសអ្នកជួញដូរគ្រឿងញៀនម្នាក់ត្រូវបានកម្លាំងនគរបាលព្រហ្មទណ្ឌស្រុកអង្គស្នួលសហការ ជាមួយកម្លាំងនគរបាលប៉ុស្ដិ៍ក្រាំងម្កាក់ធ្វើការចាប់ខ្លួនរួមជាមួយគ្រឿងញៀនចំនួន១៧កញ្ចប់ និងវត្ថុតាងមួយចំនួនទៀតកាលពីវលាម៉ោង១០នឹង២០នាទីព្រឹក ថ្ងៃទី២៨ ខែវិច្ឆិកា ឆ្នាំ២០១៧ ក្នុងខណៈដែលជនសង្ស័យខាងលើកំពុងធ្វើសកម្មភាពជួញដូរនៅក្នុងភូមិព្រៃពេល ឃុំក្រាំងម្កាក់ ស្រុកអង្គស្នួល ខេត្តកណ្តាល ហើយត្រូវបានប្រជាពលរដ្ឋប្រទះឃើញរាយការណ៏ជូននគរបាលឲ្យទៅបង្ក្រាបតែម្ដង ។
ជនសង្ស័យខាងលើនោះឈ្មោះ ស្រស់ ពេជ្រនី អាយុ២៦ឆ្នាំ ជនជាតិខ្មែរមុខរបមិនពិត មានទីលំនៅក្នុងភូមិព្រៃពេល ឃុំក្រាំងម្កាក់ ស្រុកអង្គស្នួល ខេត្តកណ្តាល ។ ជននេះគឺជាមុខសញ្ញាជួញដូរគ្រឿងញៀនយ៉ាងសកម្មម្នាក់ ហើយនគរបាលបានឆែករកឃើញគ្រឿងញៀនចំនួន១៧កញ្ចប់ ទូរស័ព្ទដៃ២គ្រឿង ថង់សម្រាប់វេចខ្ចប់ថ្នាំញៀន និងឧបករណ៏សម្រាប់ប្រើប្រាស់មួយចំនួនទៀត ។
តាមប្រភពពីនគរបាលបានឲ្យដឹងថា នៅមុនពេលឈានដល់ការចាប់ខ្លួនជនសង្ស័យខាងលើនោះបានកម្លាំងនគរបាលព្រហ្មទណ្ឌស្រុកអង្គស្នួលរួមជាកួយកម្លាំងនគរបាលប៉ុស្តិ៍ក្រាំងម្កាក់បានចេញល្បាត និងធ្វើការស្រាវជ្រាវរកមុខសញ្ញាប្រព្រឹត្តបទល្មើសផ្សេងៗនៅក្នុងមូលដ្ឋានដើម្បីបង្ក្រាបពេលនោះត្រូវបានប្រជាពលរដ្ឋខ្សឹបប្រាប់ថា បានឃើញជនសង្ស័យម្នាក់នោះកំពុងធ្វើសកម្មភាពជួញដូរចែកចាយគ្រឿងញៀននៅក្នុងភូមិព្រៃពពេល ឃុំក្រាំងម្កាក់ ។បន្ទាប់ពីទទួលបានព័ត៌មាននោះភ្លាមកម្លាំងបានចុះទៅកាន់ចំណុចនោះធ្វើការចាប់ខ្លួនបាន និងឆែកឆេររកឃើញថ្នាំញៀន និងវត្ថុតាងខាងលើរួចបាននាំទៅធ្វើការសាកសួរនៅផ្នែកនគរបាលព្រហ្មទណ្ឌស្រុកដើម្បីបញ្ជូនទៅសាលាដំបូងខេត្តកណ្ដាលចាត់ការតាមច្បាប់ ។
ប្រភពដដែលបានបន្តទៀតថា ក្រោយពេលសួរនាំជននោះបានសារភាពថា ខ្លួនបានទិញថ្នាំញៀននេះពីជនមិនស្គាល់ឈ្មោះម្នាក់ដែលបានយកមកលក់ឲ្យដល់នៅផ្ទះគឺនៅពេលដែលត្រូវការទិញមិនចាំបាច់ហត់ច្រើនទេ គ្រាន់តែខលប្រាប់ទៅគឺអ្នកលក់យកឲ្យដល់ផ្ទះហើយខ្លួនទិញម្តងៗតម្លៃ២០០,០០០រៀល(ម្ភៃម៉ឺនរៀល)ដើម្បីយកទៅលក់បន្តយកប្រាក់ចំណេញ ។ ហើយបានលក់យូរដែរហើយ និងមិនដែលមានបញ្ហានោះទេ ទើបតែពេលនេះត្រូវ នគរបាលចាប់ខ្លួនបានបែបនេះ ៕
ចែករំលែកព័តមាននេះ