ខេត្តកោះកុង ៖ បើគ្រប់គ្នាបានឃើញបានស្គាល់ហើយប្រាកដជាគ្រវីក្បាល…និយាយ ថា គ្មានឃើញអ្វីឱ្យរីកចម្រើនឡើយខេត្តមួយនេះគួរឱ្យខ្មាសគេណាស់ ។ នៅខេត្តកោះកុង ជាខេត្តដាច់ស្រយាលពីរាជធានីភ្នំពេញ មានកំពង់ផែសមុទ្រមួយឈ្មោះកំពង់ផែដងទង់ ជាកំពង់ផែដ៏សោះកក្រោះ…
ខេត្តកោះកុង ៖ បើគ្រប់គ្នាបានឃើញបានស្គាល់ហើយប្រាកដជាគ្រវីក្បាល…និយាយ
ថា គ្មានឃើញអ្វីឱ្យរីកចម្រើនឡើយខេត្តមួយនេះគួរឱ្យខ្មាសគេណាស់ ។
នៅខេត្តកោះកុង ជាខេត្តដាច់ស្រយាលពីរាជធានីភ្នំពេញ មានកំពង់ផែសមុទ្រមួយឈ្មោះកំពង់ផែដងទង់ ជាកំពង់ផែដ៏សោះកក្រោះ ។ ប៉ុន្តែ ទោះជាយ៉ាងណាក៏ដោយ ក៏កោះកុងមានកំពង់ផែមួយដែរ មិនទទេស្អាតទេពិតមែនមិនសូវមានសកម្មភាពឬមានសេវារស់រវើកក៏ដោយ ។
រឿងដែលគួរឱ្យកត់សម្គាល់នោះ ទោះបីកំពង់ផែមិនរីកចំរើនក្តី ក៏រាល់ៗឆ្នាំ មន្ទីរសង្គមកិច្ចនិងហិរញ្ញវត្ថុខេត្ត រួមសហការជាមួយមន្ទីរសាធារណការនិងដឹកជញ្ជូនខេត្ត ដាក់កំពង់ផែដងទង់ឱ្យដេញថ្លៃជាសាធារណប្រចាំឆ្នាំដែរ មិនដែលខកខានទេសម្រាប់អភិបាលខេត្តមុនៗ ទោះបីគ្មានអ្នកដេញថ្លៃក៏មានអ្នកទទួលធ្វើដែរ ។
ឆ្នាំ២០១៧ជិតដាច់ខ្យល់ហើយ ឆ្នាំ២០១៨នឹងឈានមកជំនួសវិញ ដែលតាមធម្មតាអាជ្ញាធរខេត្តត្រូវចេញប្រកាសដាក់ឱ្យដេញថ្លៃនូវសេវាកម្មរបស់រដ្ឋទាំងឡាយក្នុងខេត្តមួយនេះ មានដូចជា កំពង់ផែដងទង់នេះជាដើម ដែលខេត្តដទៃទៀតកំពុងតែដំណើរការដូចជាខេត្តកំពង់ចាម ខេត្តត្បូងឃ្មុំជាដើម ។
ក្រិត្យក្រមដាក់ឱ្យដេញថ្លៃតាមបណ្តាឆ្នាំកន្លងមកខេត្តចេញប្រកាសជូនដំណឹងហើយ…ដើម្បីឱ្យអតិថិជន ដាក់ពាក្យសុំជាផ្លូវការចូលដេញថ្លៃ ដែលការដេញថ្លៃនឹងត្រូវធ្វើនៅថ្ងៃទី១៥ ខែធ្នូ រៀងរាល់ឆ្នាំ ។ប៉ុន្តែផ្ទុយទៅវិញ ប្រភពព័ត៌មានជាច្រើនចេញពីខេត្តកោះកុងបានឱ្យដឹងថា រហូតមកដល់ថ្ងៃនេះហើយ ខេត្តកោះកុងហាក់ដូចជាមិនទាន់ឃើញចេញសេចក្តីប្រកាស ជូនដំណឹងរឿងដេញថ្លៃកំពង់ផែដងទង់នៅឡើយទេ ។
មានពាក្យលេចឮពីខេត្តកោះកុងមកថា មានអតិថិជនច្រើននាក់ហើយ បានទៅសាកសួរនៅមន្ទីរហិរញ្ញវត្ថុខេត្ត រឿងសុំទិញពាក្យដាក់ដេញថ្លៃត្រូវបានមន្ត្រីទទួលបន្ទុកនៅមន្ទីរនោះនិយាយមិនប្រាកដសោះ…ហាក់ដូចមិនទទួលភ្ញៀវ…ម្តងថាចាំថ្ងៃនេះ ថ្ងៃនោះ រកជឿជាក់មិនបាន ។ប៉ុន្តែក៏មានពាក្យលេចឮថា កំពង់ផែដងទង់ទំនងមិនដាក់ឱ្យដេញថ្លៃទេ ។ មានគេនិយាយពីមាត់មួយទៅមាត់មួយថា ប្រហែលជាប្រគល់ឱ្យទៅសាច់ញាតិ…ដែលខ្លះថាជាមិត្តភក្តិលោកស្រីអភិបាលខេត្ត ។ពាក្យខាងលើនេះគ្រាន់តែលេចឮជាពាក្យ «ក្អែកមួយជាក្អែកដប់» ប៉ុណ្ណោះ មិនទាន់ជាផ្លូវការនៅឡើយទេ ។
ប្រភពតាមដានដដែលនិយាយថា ចាំមើលដាច់ខែវិច្ឆិកា ប្រសិនបើមិនឃើញមានប្រកាសលក់ពាក្យដេញថ្លៃប្រាកដជាគេមិនដាក់ឱ្យដេញថ្លៃ មែនទែនហើយ ។ ប៉ុន្តែអាចមានល្បិចខ្មៅមួយទៀត…គេអាចលក់ពាក្យសុំដេញថ្លៃត្រឹម២-៣ថ្ងៃមុនថ្ងៃកំណត់ ក៏អាចធ្វើបានដែរសម្រាប់មន្ត្រីមុខលុយ…ដើម្បីឧបកិច្ចកុំឱ្យខ្មោចធ្វើត្រូវ…។
ប៉ុន្តែប្រភពដដែលនិយាយថា ចាំមើល តើមានលក់ពាក្យសុំដេញថ្លៃដែរឬអត់ ? ឬមួយប្រគល់ឱ្យអ្នកចាស់ដដែល…ឬមួយលើកដាក់ឱ្យអ្នកថ្មី ? ព្រោះលេចឮថាមានអតិថិជនច្រើននាក់ត្រៀមខ្លួនចូលដេញថ្លៃ ។មិនអាចសុំការបំភ្លឺបានទេពីប្រធានមន្ទីរហិរញ្ញវត្ថុខេត្ត ព្រោះទូរស័ព្ទចូលមិនលើក ៕
ចែករំលែកព័តមាននេះ