ខេត្តកោះកុង ៖ មានករណីបាញ់សម្លាប់ខ្លួនឯងមួយនៅក្នុងបន្ទប់ទឹក ដោយជនរងគ្រោះត្រូវគេស្គាល់ថា គឺជាមន្ត្រីប៉ូលិសនៃស្នងការដ្ឋាននគរបាលខេត្តកោះកុងម្នាក់ ដោយបានប្រើប្រាស់អាវុធអាកា៤៧មួយដើម កើតឡើង ស្ថិតនៅក្នុងភូមិ១ សង្កាត់ស្មាច់មានជ័យ ក្រុងខេមរៈភូមិន្ទ បង្កឱ្យភ្ញាក់ផ្អើលកាលពីវេលាម៉ោង០៤រសៀលថ្ងៃទី២៨ វិច្ឆិកានេះ។
សមត្ថកិច្ចនៅមិនទាន់ដឹងពីមូលហេតុនៃការធ្វើអត្តឃាតនេះទេ ដោយគ្រាន់តែដឹងថា គាត់គឺជាមន្ត្រីប៉ូលិសផ្នែកកងអន្តរាគមន៍ ឈ្មោះ ផេង គ្រី។
ប្រភពជុំវិញកន្លែងកើតហេតុបាននិយាយថា មូលហេតុគឺដោយសារមន្ត្រីប៉ូលិសរូបនេះ តូចចិត្តដោយសារតែរូបខ្លួនចូលធ្វើប៉ូលិសយូរហើយ មិនបានឡើងស័ក្តិនឹងគេ ហើយមិត្តរួមការងារខ្លះមួយឆ្នាំឡើងស័ក្តិ២ដងឯណោះ។ ក្រោយពែលកើតហេតុ សមត្ថកិច្ចជំនាញកំពុងធ្វើការយ៉ាងសស្រាក់សស្រាំដើម្បីស្រាវជ្រាវបន្ត៕
ចែករំលែកព័តមាននេះ