ខេត្តបាត់ដំបង ៖ សេចក្ដីរាយការណ៍បឋមឱ្យដឹងថា កុមារាម្នាក់បានដាច់ខ្យល់ស្លាប់បន្ទាប់ពីយកក្រម៉ារុំ.កខ្លួនឯង កាលពីវេលាម៉ោង២រសៀលថ្ងៃទី២៨ វិច្ឆិកា នេះ ស្ថិតនៅចំណុចភូមិបេងស្អាត ឃុំភ្នំព្រឹក ស្រុកភ្នំព្រឹក…
ខេត្តបាត់ដំបង ៖ សេចក្ដីរាយការណ៍បឋមឱ្យដឹងថា កុមារាម្នាក់បានដាច់ខ្យល់ស្លាប់បន្ទាប់ពីយកក្រម៉ារុំ.កខ្លួនឯង កាលពីវេលាម៉ោង២រសៀលថ្ងៃទី២៨ វិច្ឆិកា នេះ ស្ថិតនៅចំណុចភូមិបេងស្អាត ឃុំភ្នំព្រឹក ស្រុកភ្នំព្រឹក ។
កុមារាខាងលើនោះ ឈ្មោះជឿង លី អាយុ១០ឆ្នាំ ស្នាក់នៅស៊ីឈ្នូលកាច់ពោតឲ្យគេជាមួយឪពុក នៅក្នុងភូមិ-ឃុំកើតហេតុខាងលើ ។ ប្រភពបានឱ្យដឹងទៀតថា កុមារានោះបានឡើងលេងលើត្រាក់ទ័រតែម្នាក់ឯង ហើយយកក្រម៉ារុំ.កលេង ។ ប៉ុន្តែចៃដន្យបានភ្លាត់ជើងធ្លាក់ពីលើត្រាក់ទ័រ ហើយក្រម៉ានោះទាក់ជាប់នឹងត្រាក់ទ័រ បណ្តាលរឹត.កឯង ដាច់ខ្យល់ស្លាប់តែម្ដង។
ក្រោយកើតហេតុ សមត្ថកិច្ចបានចុះទៅពិនិត្យកន្លែងកើតហេតុភ្លាមៗដែរ ដើម្បីធ្វើកោសល្យវិច័យកន្លែងកើតហេតុ ។
ទោះជាយ៉ាងណា មន្ត្រីជំនាញបានអះអាងថា កុមារានោះ ពិតជាស្លាប់ដោយសារគ្រោះថ្នាក់ដោយចៃដន្យ ដូចការរៀបរាប់ខាងលើនេះមែន ។
ចែករំលែកព័តមាននេះ