សារព័ត៌មានបរទេសកាលពីពេលថ្មីៗកន្លងមកផ្សាយថា លោក Maksud khan អាយុ៣៥ឆ្នាំ ត្រូវបញ្ជូនទៅមន្ទីរពេទ្យSanjay Gandhi ក្រុងសាតាណា រដ្ឋម៉ាឌីយ៉ាប្រាដេស ព្រោះមានអាការឈឺពោះ ។
គ្រូពេទ្យជំនាញបានឆ្លុះប្រទះឃើញកាក់ ផ្លែកាំបិតកោរពុកមាត់ អំបែងកែវ ដុំថ្ម និងកំណាត់ដែកស្រួច ហើយបានវះកាត់យកចេញ ។
លោកវេជ្ជបណ្ឌិតព្រីយ៉ាំងសាម៉ា ជាអ្នកវះកាត់ឱ្យដឹងថា «អ្នកជំងឺរូបនេះប្រាប់ថា ឈឺពោះ យើងក៏ពិនិត្យដោយម៉ាស៊ីនឆ្លុះ «Endoscopy » យើងភ្ញាក់ផ្អើលនៅពេលប្រទះឃើញកាក់ ដែកគោល និងខ្ចៅវីស នៅក្នុងពោះរបស់គេ ។ ជាលើកដំបូងក្នុងអាជីពរបស់ខ្ញុំដែលឃើញមានហេតុការណ៍បែបនេះ» ។
វេជ្ជបណ្ឌិតនៅក្នុងមន្ទីរពេទ្យឱ្យដឹងទៀតថា លោក Khan ជាអ្នកបើកបរឡាំប្រឺតា ហើយតែងតែលេបដែកអតិថិជនឱ្យជាប្រចាំ ដោយមិនធ្លាប់បង្ហាញអាការប៉ះពាល់ទេ ។
កាលពី៣ខែ មុនគេចាប់ផ្តើមឈឺពោះ និងបានវះកាត់ប្រទះឃើញដែកគោលមួយចំនួនមុតពោះវៀនរួមទាំងហូរឈាម ។
ក្រុមគ្រួសារបញ្ជាក់ថា Khan មានអាការស្រងេះស្រងោចអាចជាហេតុធ្វើឱ្យគេស៊ីលោហៈ ៕
ចែករំលែកព័តមាននេះ