ឆ្នាំ១៥៣៤
-លោកហ្សាកការទ័រ អ្នករុករកជាតិបារាំង ខណៈពេលធ្វើដំណើរក៏បានរកឃើញ ប្រទេសកាណាដា និងតំបន់ឡាប្រាដ័រ ។
ឆ្នាំ១៦៥៧
-តំបន់សេរីភាពមួយត្រូវបានបង្កើតឡើងសំរាប់ឱ្យជនជាតិជ្វីហ្វ គឺទីក្រុងញូវអាមស្ទែរដាម ដែលជាទីក្រុងនៅក្រោមអាណានិគម និយមហុល្លង់ ។ បច្ចុប្បន្នក្រុងនេះ គឺជាទីក្រុងញូវយ៉ក របស់សហរដ្ឋអាមេរិក ។
ឆ្នាំ១៧៩២
-ប្រទេសបារាំងបានប្រកាសសង្គ្រាមជាមួយប្រទេសអូទ្រីស ហើយនេះក៏ជាការចាប់ផ្ដើមនៃការធ្វើបដិវត្ដន៍របស់ប្រទេសបារាំង ក្នុងការធ្វើសង្គ្រាមជាមួយរដ្ឋជាច្រើននៅក្នុងទ្វីបអឺរ៉ុប ដូចជាប្រទេសអង់គ្លេស រុស្ស៊ី ទួរគី ជាដើម ។
ឆ្នាំ១៨០៩
-សង្គ្រាមនៅបាវារីយ៉ា ក្រោមការដឹកនាំរបស់ណាប៉ូឡេអុង បូណាប៉ាត ដែលជាមេដឹក នាំប្រទេសបារាំង រួមជាមួយទ័ពបាវារីយ៉ា ប្រឆាំងការឈ្លានពានរបស់ទ័ពប្រទេសអូទ្រីស មកលើបាវារីយ៉ា។ ការប្រយុទ្ធគ្នានេះ ទ័ពបារាំងសរុបមានចំនួន៩០.០០០នាក់ ឯទ័ព អូទ្រីសមានចំនួន៨០.០០០នាក់ ។ ជោគជ័យបានទៅលើប្រទេសបារាំងតែទ័ពត្រូវស្លាប់ និងរបួសសរុប២.០០០នាក់ ចំណែកប្រទេស អូទ្រីស ស្លាប់ទ័ព និងរបួសសរុប២.៨០០នាក់ និងត្រូវចាប់ខ្លួនបាន៤.០០០នាក់ ។
ឆ្នាំ១៨១០
-អភិបាលក្រុងការ៉ាកាស បានប្រកាសឯករាជ្យចេញពីប្រទេសអេស្ប៉ាញ ។
ឆ្នាំ១៨២៨
-អ្នករុករកជាតិបារាំងរេណេកៃលី បានក្លាយជាជនជាតិអឺរ៉ុបទី១ ដែលបានចូលទៅទីក្រុងទីមបូទូ ប្រទេសម៉ាលី ហើយបានចាក ចេញពីទីក្រុងនេះដោយសុវត្ថិភាព ។
ឆ្នាំ១៨៦២
-អ្នកគីមីវិទូបារាំង លោកល្វីស ប៉ាស្ទ័រ និងលោកក្លូដប៊ែនាដ បានបញ្ចប់ការសាកល្បងលើកទី១ នៃការប្រើកំដៅសំលាប់មេរោគ ក្នុងអាហារ ។
ឆ្នាំ១៩០២
-លោកព្យែរ គូរី និងនាងម៉ារីគូរី ជាប្ដីប្រពន្ធបានរកឃើញសារធាតុរ៉ាឌីដ្យូម និងសារធាតុប៉ូឡូនីយ៉ូម ក្នុងតារាងខួបគីមី ។
ឆ្នាំ១៩១៨
-លោកម៉ានហ្វ្រីដ វ៉ុន រីកថូហ្វេន ដែលជាអ្នកបើកបរយន្ដហោះប្រទេសអាល្លឺម៉ង់ បានបាញ់ធ្លាក់យន្ដហោះចំបាំងទី៧៩និង៨០ ជា ហេតុធ្វើឱ្យលោកក្លាយជាអ្នកបើកបរយន្ដហោះដ៏ពូកែបំផុតក្នុងសង្គ្រាមលោកលើកទី១។
ឆ្នាំ១៩៤៥
-មេដឹកនាំណាហ្ស៊ីអាល្លឺម៉ង់ អាដុល ហ៊ីទ្លែរ បានបង្ហាញមុខជាលើកចុងក្រោយចេញពីទីតាំងសុវត្ថិភាពដើម្បីប្រគល់រង្វាន់ Crosses ទៅឱ្យកងទ័ពវ័យក្មេងរបស់គាត់ នៃកងយុវជនហ៊ីទ្លែរ ក្នុងអំឡុងសង្គ្រាមលោកលើកទី២ ។
-កងទ័ពសហរដ្ឋអាមេរិកបានចូលកាន់ កាប់ទីក្រុង Leipzig របស់ប្រទេសអាល្លឺម៉ង់ដើម្បីប្រគល់ឱ្យសហភាពសូវៀត ។
ឆ្នាំ១៩៦១
-ប្រតិបត្ដិការឈ្លានពានចូលប្រទេសគុយបា របស់សហរដ្ឋអាមេរិក បានទទួលភាពបរាជ័យ ។ ការឈ្លានពាននេះ គឺក្រុម CIA បាន ហ្វឹកហាត់កងទ័ពគុយបា ដែលត្រូវគេនិរទេស ដោយមានការជួយគាំទ្រពីកងទ័ពសហរដ្ឋអាមេរិកដើម្បីផ្ដួលរំលំលោកហ្វីដែលកាស្ក្រូ ចេញពីតំណែង ។ ព្រឹត្ដិការណ៍នេះ ធ្វើឱ្យទ័ពអាមេរិកស្លាប់១១៨នាក់ ត្រូវគេចាប់ខ្លួន១.២០១នាក់ ចំណែកប្រទេសគុយបាស្លាប់ទ័ព១៧៦នាក់ និងប្រហែលពី៤.០០០នាក់ ទៅ៥.០០០នាក់ផ្សេងទៀត ត្រូវគេសង្ស័យថា បានស្លាប់ បាត់ខ្លួន និងរបួស ។
ឆ្នាំ១៩៧២
-យានអាប៉ូឡូទី១៦ បានចុះចតនៅលើភពព្រះចន្ទក្រោមការដឹកនាំរបស់លោកចនយ៉ាំង ។
ឆ្នាំ១៩៩៨
-ក្រុមភេរវកម្មអាល្លឺម៉ង់ RAF ដែលជាក្រុមទាហានដ៏សាហាវបំផុតរបស់ប្រទេសអាល្លឺម៉ង់ អំឡុងសង្គ្រាមលោកលើកទី២ ដែលទើបបង្កើតនៅឆ្នាំ១៩៧០ បានប្រកាសរំលាយខ្លួន បន្ទាប់ពីអង្គភាពនេះមានអាយុ២៨ឆ្នាំមកហើយ ។
ឆ្នាំ១៩៩៩
-យុវជន២នាក់ម្នាក់ឈ្មោះអ៊ីរីក ហារីស និងម្នាក់ទៀតឈ្មោះឌីលែន ក្រេបូល បានចូលទៅក្នុងសាលារៀនមួយនៅរដ្ឋកូឡូរ៉ាដូ ដោយបានបាញ់សំលាប់មនុស្ស១៣នាក់ ក្នុងនោះមានគ្រូម្នាក់ផង និងបង្កឱ្យមនុស្ស២៨នាក់ផ្សេងទៀតរងរបួស ។ បន្ទាប់មកឃាតកទាំង២នាក់ បានបាញ់សំលាប់ខ្លួនឯង។
ឆ្នាំ២០០៦
-លោកប្រធានាធិបតីសិង្ហបុរី សេឡា ប៉ានរ៉ាម៉ាណាថាន់ បានផ្ដល់យោបល់ឱ្យលោកនាយករដ្ឋមន្ដ្រីលីសេនឡុង រំលាយសភា និងរៀបចំការបោះឆ្នោតនៅថ្ងៃទី៦ ឧសភា ។
ឆ្នាំ២០០៨
-នាងដានីតា ប៉ាទ្រីក ជនជាតិអាមេរិក បានឈ្នះការប្រកួតប្រណាំងរថយន្ដ Indy Japan 300 និងបានក្លាយជាស្ដ្រីអ្នកបើកបរ រថយន្ដប្រណាំងទី១ ក្នុងប្រវត្ដិសាស្ដ្រដែល បានឈ្នះពានរង្វាន់នេះ ៕
ចែករំលែកព័តមាននេះ