រាជធានីភ្នំពេញ៖ ទោះបីជាអ្នកតំណាងរាស្ត្រមកពីគណបក្សហ៊្វុនស៊ិនប៉ិចត្រូវបានរដ្ឋសភាប្រកាសផ្តល់សុពលភាពរួចហើយក្តី ក៏អតីតសមាជិកសភាគណបក្សសង្គ្រោះជាតិបាននាំគ្នាលើកឡើងថា «សមាជិកសភាថ្មីនេះមិនតំណាងរាស្ត្រនោះទេ»។ អតីតសមាជិកសភាគណបក្សប្រឆាំងដែលមានទាំងលោក អ៊ូ ច័ន្ធឬទ្ធិ លោក អេង ឆៃអ៊ាង…
រាជធានីភ្នំពេញ៖ ទោះបីជាអ្នកតំណាងរាស្ត្រមកពីគណបក្សហ៊្វុនស៊ិនប៉ិចត្រូវបានរដ្ឋសភាប្រកាសផ្តល់សុពលភាពរួចហើយក្តី ក៏អតីតសមាជិកសភាគណបក្សសង្គ្រោះជាតិបាននាំគ្នាលើកឡើងថា «សមាជិកសភាថ្មីនេះមិនតំណាងរាស្ត្រនោះទេ»។
អតីតសមាជិកសភាគណបក្សប្រឆាំងដែលមានទាំងលោក អ៊ូ ច័ន្ធឬទ្ធិ លោក អេង ឆៃអ៊ាង និងលោក យ៉ែម ប៉ុញ្ញាឬទ្ធិ បានលើកឡើងថា សមាជិកសភាមកពីគណបក្សហ៊្វុនស៊ិនប៉ិច គណបក្សខ្មែរអភិវឌ្ឍសេដ្ឋកិច្ច និងគណបក្សសញ្ជាតិកម្ពុជាសរុបចំនួន៤៤រូប មិនជាអ្នកតំណាងឲ្យរាស្ត្រនោះទេ ។
លោក អ៊ូ ច័ន្ធឬទ្ធិ បានបញ្ជាក់នៅលើបណ្តាញសង្គមថា៖ «ខ្ញុំ អ៊ូ ច័ន្ទឫទ្ធិ និងតំណាងរាស្ត្រទាំងអស់នៃគណបក្សសង្គ្រោះជាតិនៅតែជាតំណាងរាស្ត្រស្របតាមច្បាប់រដ្ឋធម្មនុញ្ញនៃព្រះរាជាណាចក្រកម្ពុជាដដែល។ យោងតាមមាត្រា៧៦ ថ្មី នៃច្បាប់កំពូលនេះបានចែងថា តំណាងរាស្ត្រត្រូវជ្រើសតាំងដោយការបោះឆ្នោតជាសកល ដោយសេរី ដោយចំពោះ និងតាមវិធីជ្រើសរើសឆ្នោតជាសម្ងាត់។ ដូច្នេះមនុស្សមួយក្រុមនេះមិនមែនជាតំណាងរាស្ត្រទេ ព្រោះមិនត្រូវបានជ្រើសតាំងដោយការបោះឆ្នោតដោយរាស្ត្រឡើយ»។
ការលើកឡើងរបស់អតីតសមាជិកសភារូបនេះបានអបដោយរូបគ្មានចលនា របស់សម្តេចក្រុម ព្រះនរោត្តម រណឬទ្ធិ ប្រធានគណបក្សហ៊្វុនស៊ិនប៉ិច និងសមាជិកសភាគណបក្សហ៊្វុនស៊ិនប៉ិច ដែលក្រោកឈរបង្ហាញវត្តមាននៅថ្ងៃប្រកាសសុពលភាពនៅក្នុងរដ្ឋសភា ជាមួយច្បាប់រដ្ឋធម្មនុញ្ញាមួយសន្លឹក ។
ចំណែកលោក អេង ឆៃអ៊ាង វិញ បានសរសេរលើបណ្តាញសង្គមផ្ទាល់ខ្លួនលោកដោយបានបង្ហោះរូបពីរសន្លឹកគ្មានចលនារបស់លោក យូ ហុកគ្រី ដែលជាបេក្ខជនអនុប្រធាន ទី១ រដ្ឋសភា និងរូបលោកសមាជិកសភាថ្មីដែលអង្គុយនៅសភាយ៉ាងដូច្នេះថា៖ «ពួកនេះហៅថា «តំណាងអត់រាស្ត្រ» ទៅអង្គុយកៅអីក្នុងរដ្ឋសភា ដោយសារ ហ៊ុន សែន … »។
ដោយឡែក លោក យ៉ែម ប៉ុញ្ញាឬទ្ធិវិញ ក៏បានលើកឡើងថា ពេលនេះបានសម្រេចដូច បំណងហើយ គឺ ១២៣លើ១២៣ មិនមែន ៥០%+១ មិនមែន ២/3 មិនមែន ៣/៤ ទៀតទេ គឺ ១០ ០/ ១០០៕
ចែករំលែកព័តមាននេះ