«Mirror»របស់អង់គ្លេសផ្សាយកាលពីពេល ថ្មីៗកន្លងមកថា នាងMalia Obama កូនស្រីច្បងអាយុ១៩ឆ្នាំរបស់អតីតលោកប្រធានាធិបតីបារ៉ាក់ អូបាម៉ា នៃសហរដ្ឋអាមេរិក បច្ចុប្បន្នរៀននៅមហាវិទ្យាល័យហាវើដ ។ កាលពីខែសីហាកន្លងមក នាង និងគូស្នេហ៍បានឱបថើបគ្នានៅបរិវេណចតរថយន្ត ។ ការថើបគ្នានោះខណៈពេលប្រារព្ធពិធីជប់លៀងការប្រកួតបាល់ទាត់អាមេរិករវាងក្រុមមហាវិទ្យាល័យហាវើដ ជាមួយក្រុមមហាវិទ្យាល័យយេល នៅក្រុង New Haven កាលពីថ្ងៃទី១៨ វិច្ឆិកា ២០១៧ ។
បណ្តាអ្នកសារព័ត៌មាននានាមានចម្ងល់ថា តើយុវជនរូបនោះជាអ្នកណា ? ពួកគេរកបានចម្លើយថា យុវជននោះឈ្មោះRory Farqnharson ជាសិស្សជនជាតិអង់គ្លេសអាយុ១៩ឆ្នាំ ។
Rory Farquharson រៀននៅសាលាRugby School ជាសាលាមួយក្នុងចំណោមសាលាឯកជនដ៏ល្បីឈ្មោះនៅអង់គ្លេស និងមានថ្លៃសិក្សាដល់ទៅ៤២.៥០០ដុល្លារក្នុងមួយឆ្នាំ ។ Roryជាសិស្សឆ្នើមនៅក្នុងសាលា ហើយគេជាតំណាងរបស់សាលាក្នុងការប្រកួតកីឡាបាល់ឱប និងវាយកូនហ្គោល រួមទាំងទទួលការជ្រើសរើសជាប្រធានតំណាងឱ្យសាលាកាលពីឆ្នាំ២០១៥-២០១៦ ។ គេបានសម្រេចចិត្តទៅសហរដ្ឋអាមេរិក ដើម្បីរៀនបន្តនៅមហាវិទ្យាល័យ Ivy League និងបានស្គាល់គ្នាជាមួយនាងMalia Obama ៕
ចែករំលែកព័តមាននេះ