ឥណ្ឌា ៖ តាមប្រភពព័ត៌មាន Viral4real បានឲ្យដឹងថា ស្ត្រីជនជាតិឥណ្ឌាអាយុ៣៥ឆ្នាំម្នាក់ រស់នៅភូមិតូចមួយក្នុង Fatehpur ភាគខាងជើងនៃប្រទេសឥណ្ឌា មានជំងឺចម្លែកដែលដុះម្ជុលជាច្រើនចេញពីជើងដោយឯកឯង។…
ឥណ្ឌា ៖ តាមប្រភពព័ត៌មាន Viral4real បានឲ្យដឹងថា ស្ត្រីជនជាតិឥណ្ឌាអាយុ៣៥ឆ្នាំម្នាក់ រស់នៅភូមិតូចមួយក្នុង Fatehpur ភាគខាងជើងនៃប្រទេសឥណ្ឌា មានជំងឺចម្លែកដែលដុះម្ជុលជាច្រើនចេញពីជើងដោយឯកឯង។
Anusuiya Devi ផ្តើមមានអាការៈបែបនេះតាំងពីឆ្នាំ២០១២មកម្ល៉េះ។ ជើងរបស់នាងតែងតែលេចចេញនូវម្ជុលជាច្រើនប្រភេទផ្សេងៗគ្នា។ វាអាចជាម្ជុលដេរធម្មតា ដែកគោល ឬក៏ម្ជុលចាក់ថ្នាំ។ ជើងរបស់នាងឈឺយ៉ាងខ្លាំង នៅពេលមានម្ជុលលេចចេញម្តងៗ។
នាងបានទៅមន្ទីរពេទ្យហើយ តែលោកវេជ្ជបណ្ឌិតខាងផ្នែកវះកាត់ Naresh Vishal បានសង្ស័យថា នាងមានវិបត្តិផ្លូវចិត្ត ហើយយកម្ជុលចាក់ចូលសាច់ខ្លួនឯង។ នៅពេលថតកាំរស្មីអ៊ិច គេឃើញមានម្ជុលជាច្រើនសរុបប្រហែល៧០ដើមនៅក្នុងជើងរបស់នាង។ ក្រៅពីជើងរបស់នាង គេមិនឃើញមានម្ជុលនៅទីណាផ្សេងឡើយ។
ប្អូនប្រុសរបស់នាង ដែលរស់នៅជាមួយនាងជារៀងរហូតមក បានអះអាងថា នាងមិនដែលមានវិបត្តិផ្លូវចិត្តអ្វីនោះទេ។
នាពេលនេះ លោកវេជ្ជបណ្ឌិតគ្រោងនឹងបញ្ជូននាងទៅមន្ទីរពេទ្យធំជាងនេះ ដើម្បីជួបជាមួយនឹងគ្រូពេទ្យជំនាញជាងនេះ ក្រែងលោអាចដឹងពីមូលហេតុជំងឺ៕
ចែករំលែកព័តមាននេះ