ចម្លើយមួយឃ្លាធ្វើឱ្យអាហ្វ្រិកខាងត្បូងក្លាយជាបវរកញ្ញាចក្កវាឡ២០១៧
សហរដ្ឋអាមេរិក ៖ កាលពីថ្ងៃទី២៧ ខែវិច្ឆិកា ឆ្នាំ២០១៧ នៅឯសណ្ឋាគារ «Planet Hollywood Resort &…
សហរដ្ឋអាមេរិក ៖ កាលពីថ្ងៃទី២៧ ខែវិច្ឆិកា ឆ្នាំ២០១៧ នៅឯសណ្ឋាគារ «Planet Hollywood Resort &…
សហរដ្ឋអាមេរិក ៖ កាលពីថ្ងៃទី២៧ ខែវិច្ឆិកា ឆ្នាំ២០១៧ នៅឯសណ្ឋាគារ «Planet Hollywood Resort & Casino» ក្រុងឡាសវ៉េហ្គាស់ រដ្ឋណេវ៉ាដា សហរដ្ឋអាមេរិក មានការប្រកួតបវរកញ្ញាចក្កវាឡ២០១៧ ជុំផ្តាច់ព្រ័ត្រដែលដំណើរការប្រកបដោយក្តីរំភើប ខណៈពេលលោក Steve Harvey គណៈកម្មការរៀបចំការប្រកួតបានប្រកាសឈ្មោះបេក្ខនារីដែលឆ្លងចូលជុំ ១៦ ក្រុមចុងក្រោយពីចំនួនសរុប៩២ប្រទេស ក្នុងនោះមានបេក្ខនារីថៃមួយរូប បានទទួលការប្រកាសឈ្មោះលើកដំបូងក្នុងជុំនេះ ។
ការប្រកួតក្នុងវគ្គផ្តាច់ព្រ័ត្រនេះ គឺសរុបមានចំនួន៤ជុំ រួមមានជុំ១៦នាក់ ជុំ១០នាក់ ជុំ៥នាក់ និងជុំ៣នាក់ចុងក្រោយ ។
ការប្រកួតខាងលើបានដំណើរការយ៉ាងរលូនក្រោមសំឡេងអ្នកគាំទ្រពីពលរដ្ឋនៅគ្រប់ទិសទី ដោយនៅជុំ៣នាក់ចុងក្រោយនៃការប្រកួតនេះ អាចជ្រើសបានបេក្ខនារីមកពីប្រទេសហ្សាម៉ាអ៊ីក កូឡុំប៊ី និងអាហ្រិកខាងត្បូង ។ ស្របពេលជាមួយនេះ លទ្ធផលនៃការប្រកួតបានទៅលើបេក្ខនារីអាហ្វ្រិកខាងត្បូង គឺកញ្ញា Demi-Leigh Nel-Peters ក្លាយជាបវរកញ្ញាចក្កវាឡប្រចាំឆ្នាំ២០១៧ ឬ «Miss Uniuerse 2017 »។ សម្រាប់ចំណាត់ថ្នាក់ទី២ បានទៅលើកញ្ញា Laura Gonzalez ជនជាតិកូឡុំប៊ី និងចំណាត់ថ្នាក់ទី៣ គឺកញ្ញា Davina Bennett ជនជាតិហ្សាម៉ាអ៊ីក ។
សម្រាប់សំនួរនៅក្នុងការជ្រើសរើសបវរកញ្ញាឯកជុំ៣នាក់ចុងក្រោយនេះ សួរថា តើគុណភាពណាមួយនៅក្នុងខ្លួនរបស់អ្នក ដែលអ្នកមានអារម្មណ៍រំភើបបំផុត ហើយអ្នកនឹងប្រើគុណភាពនោះបែបណា ក្នុងនាមជាបវរកញ្ញាចក្កវាឡ?
នាង Demi-Leigh Nel-Peters ឆ្លើយថា «ក្នុងនាមជាបវរកញ្ញាចក្កវាឡ អ្នកត្រូវជឿជាក់លើខ្លួនឯងយកឈ្នះភាពភ័យខ្លាច រួមទាំងជាកម្លាំងចិត្តក្នុងការជួយដល់នារីផ្សេងអាចយកឈ្នះភាពភ័យខ្លាចបាន ទាំងនេះ គឺជាវត្ថុដែលខ្ញុំមាននៅក្នុងខ្លួន» ៕
ចែករំលែកព័តមាននេះ