រាជធានីភ្នំពេញ៖ គណបក្សហ៊្វុនស៊ិនប៉ិចរបស់សម្តេចក្រុមព្រះ នរោត្តម រណឬទ្ធិ បានសម្រេចដាក់បេក្ខភាពលោក នុត សុខុម ជាអនុប្រធានគណៈកម្មាធិការជាតិរៀបចំការបោះឆ្នោត (គ.ជ.ប) និង…
រាជធានីភ្នំពេញ៖ គណបក្សហ៊្វុនស៊ិនប៉ិចរបស់សម្តេចក្រុមព្រះ នរោត្តម រណឬទ្ធិ បានសម្រេចដាក់បេក្ខភាពលោក នុត សុខុម ជាអនុប្រធានគណៈកម្មាធិការជាតិរៀបចំការបោះឆ្នោត (គ.ជ.ប) និង លោកយូ ហុកគ្រី ជាអនុប្រធានទី១ ។ នេះបើតាមការឲ្យដឹងពីសម្តេចក្រុមព្រះនរោត្តម រណឬទ្ធិ ប្រធានគណបក្សហ្វ៊ុនស៊ិនប៉ិច ។
ផ្តល់បទសម្ភាសន៍ជាមួយអ្នកសារព័ត៌មានក្រោយរដ្ឋសភាប្រកាសផ្តល់សុពលភាពនាព្រឹកថ្ងៃទី២៧ វិច្ឆិកានេះ សម្តេចក្រុមព្រះនរោត្តម រណឬទ្ធិ មានព្រះបន្ទូលថា ព្រះអង្គកោតសរសើរដល់អ្នកទាំងអស់ដែលបានជាប់ជាសមាជិករដ្ឋសភាថ្មី ។ ព្រះអង្គមានព្រះបន្ទូលបញ្ជាក់ថា ព្រះអង្គបានដាក់លោក នុត សុខុម ជាអនុប្រធាន គ.ជ.ប. មានតួនាទីធំ។ មុនដំបូងព្រះអង្គបានជ្រើសរើសលោក យូ ហុកគ្រី ប៉ុន្តែច្បាប់មិនអនុញ្ញាត ដោយសារគាត់មានសញ្ជាតិពីរ។ ប៉ុន្តែលោក យូ ហុកគ្រី បាន ជាអនុប្រធានរដ្ឋសភាទី១។
ព្រះអង្គបញ្ជាក់ថា មូលហេតុសម្រេចព្រះទ័យដាក់ លោកយូ ហុកគ្រី បានជាអនុប្រធានរដ្ឋសភាទី១ ដោយសារតែ «ខ្ញុំធ្លាប់ធ្វើជាប្រធានរដ្ឋសភា ខ្ញុំអត់ធ្វើទៀតទេ »។
សូមបញ្ជាក់ថា គណបក្ស ហ៊្វុនស៊ិនប៉ិច ជាគណបក្សមួយដែលទទួលបានអាសន្នៈដល់ទៅ ៤១ ច្រើនជាងគេបង្អស់ក្នុងចំណោមគណបក្សចំនួន ៣ ដែលត្រូវបាន គ.ជ.ប អនុវត្តបែងចែកអាសន្នៈជូន ដែលអាសន្នៈសរុប ៥៥ កៅអីរបស់អតីតគណបកសង្គ្រោះជាតិត្រូវបាននៅទំនេរ ក្រោយពីបក្សប្រឆាំងត្រូវបានរំលាយចោលដោយអំណាចសាលដីការបស់តុលាការកំពូលចុះថ្ងៃទី ១៦វិច្ឆិកា ឆ្នាំ២០១៧ នេះ៕
ចែករំលែកព័តមាននេះ