រាជធានីភ្នំពេញ ៖ នៅថ្ងៃទី២៤ ខែវិច្ឆិកានេះ លោក ជា ចំរើន អតីតប្រធានគណបក្សកម្ពុជាសេរីភាព និងអតីតជាតំណាងរាស្ត្រគណបក្សប្រជាជនកម្ពុជាដែលបានចាកចេញពីបក្សកាន់អំណាច ពេលនេះបានសុំសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ចូលមករួមរស់ជាមួយគ្នាវិញ។ នេះបើតាមលិខិតដែលអ្នកសារព័ត៌មានបានទទួលដែលចុះហត្ថលេខាដោយលោក ជា ចំរើន នៅថ្ងៃទី២៤ ខែវិច្ឆិកា ឆ្នាំ២០១៧នេះ។
សូមបញ្ជាក់ថា លោក ជា ចំរើន ធ្លាប់ជាប់ជាអ្នកតំណាងរាស្ត្រគណបក្សប្រជាជនកម្ពុជា មណ្ឌលខេត្តកណ្តាល អាណត្តិទី៤។ បន្ទាប់ពីមិនបានទទួលការគាំទ្រកាលពីអាណិត្តទី៥ លោកបានចាកចេញពីគណបក្សប្រជាជនកម្ពុជា ទៅបង្កើតគណបក្សថ្មីមួយ ដែលមានឈ្មោះថា «គណបក្សកម្ពុជាសេរីភាព» តែមិនបានប៉ុន្មានផង អ្នកនយោបាយរូបនេះបានលាឈប់ពីតួនាទីប្រធានបក្ស ហើយក្រោយមកគណបក្ស «គណបក្សកម្ពុជាសេរីភាព» ត្រូវបានគេដឹងថា ត្រូវក្រសួងមហាផ្ទៃបានលុបចេញពីបញ្ជីបក្ស៕
ចែករំលែកព័តមាននេះ