ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន ថ្លែងកាលពីថ្ងៃទី២១ វិច្ឆិកា កន្លងមកនេះថា តាមការបញ្ជាទិញរបស់រដ្ឋទើបកងទ័ពរុស្ស៊ីអាចបំពាក់គ្រឿងសព្វាវុធ និងសម្ភារយោធាទំនើបបំផុតជំនាន់ចុងក្រោយជាង៣.០០០ក្នុងឆ្នាំ២០១៧ ។
ក្នុងកិច្ចប្រជុំមួយរបស់ថ្នាក់ដឹកនាំក្រសួងការពារប្រទេសរុស្ស៊ី និងបណ្តាប្រមុខឧស្សាហកម្មយោធាលោកពូទីន បញ្ជាក់ថា ក្នុងក្របខណ្ឌនៃការបញ្ជាទិញទាំងឡាយដែលអនុវត្តរួចកងទ័ពរុស្ស៊ីបំពាក់រួចហើយ ដោយគ្រឿងសព្វាវុធជំនាន់ចុងក្រោយ និងទំនើបៗជាង៣.៤០០ ។ គ្រឿងសព្វាវុធទាំងនេះមានជាពិសេសនាវាចម្បាំងថ្មី១៦គ្រឿង យន្តហោះ និងឧទ្ធម្ភាគចក្រទំនើប១៩០គ្រឿង រថក្រោះ និងរថពាសដែកប្រយុទ្ធ៨០០គ្រឿង ប្រព័ន្ធមីស៊ីលដី-អាកាស១៧០ រថយន្តយោធាមានមុខងារច្រើន១៩៥០។ល។
លោកពូទីន កំណត់ទិសដៅថ្មីៗសម្រាប់កងទ័ពរុស្ស៊ីក្នុងក្របខណ្ឌនៃកម្មវិធីគ្រឿងសព្វាវុធរដ្ឋប្រធានាធិបតីរុស្ស៊ី លោកវ្ល៉ាឌីមៀរ ពូទីន ថ្លែងថា ក្នុងក្របខណ្ឌនៃកម្មវិធីគ្រឿងសព្វាវុធរដ្ឋថ្មី គ្រឿងសព្វាវុធរុស្ស៊ីត្រូវស្ថិតក្នុងកម្រិតយ៉ាងហោចណាស់ប្រហាក់គ្នានឹងគ្រឿងសព្វាវុធបរទេស ឬលើសពីនោះ។
ដោយបើកកិច្ចប្រជុំមួយចំនួនផ្ដោតលើការអភិវឌ្ឍន៍ឧស្សាហកម្មយោធា លោកពូទីន លើកឡើងពីការតើកងទ័ពរុស្ស៊ីត្រូវធ្វើដូចម្ដេចក្នុងក្របខណ្ឌនៃកម្មវិធីគ្រឿងសព្វាវុធរដ្ឋថ្មី។
ប្រធានាធិបតីរុស្ស៊ីថ្លែងកាលពីថ្ងៃទី២០ វិច្ឆិកាថា កងទ័ពយើងនិងកងនាវាចរណ៍របស់យើងត្រូវតែមានអាវុធទំនើបបំផុតទាំងឡាយ សម្ភារយោធាអវកាស ពោលគឺបណ្ដាអាវុធដែលគិតទៅដល់ការផ្លាស់ប្ដូរជាយថាហេតុទាំងឡាយក្នុងយុទ្ធសាស្ត្រនិងក្នុងតាក់ទិកនៃការតស៊ូដោយអាវុធនាពេលអនាគតហើយដែលលក្ខណសម្បត្តិនៃគ្រឿងសព្វាវុធទាំងនោះត្រូវមានប្រហាក់ប្រហែលគ្នានឹងកម្រិតគ្រឿងសព្វាវុធបរទេស ឬលើសពីគេ។
លោកពូទីន ថា ប្រសិនបើយើងចង់ឲ្យនាំមុខគេហើយប្រសិនបើយើងចង់ឈ្នះគេ នោះយើងត្រូវធ្វើឲ្យគ្រឿងសព្វាវុធរបស់យើងប្រសើរលើសគេ។
លោកបន្តថា បណ្ដាចំណុចគន្លឹះនៃកម្មវិធីគ្រឿងសព្វាវុធរដ្ឋដំបូងបំផុតត្រូវធានាភាពជឿជាក់យុទ្ធសាស្ត្រ និងកម្ទេចប្រកបដោយប្រសិទ្ធភាពការគម្រាមកំហែងក្នុងករណីដែលមាន។ លោកធ្វើការកត់សម្គាល់ថា ការអនុវត្តកម្មវិធីគ្រឿងសព្វាវុធរដ្ឋថ្មីនឹងពឹងផ្អែកលើបណ្ដាលទ្ធភាពរបស់បណ្ដាសហគ្រាសគ្រឿងសព្វាវុធរបស់ប្រទេសព្រមទាំងបណ្ដាមជ្ឈមណ្ឌលវិទ្យាសាស្ត្រនិងស្រាវជ្រាវ។
ប្រមុខរដ្ឋរុស្ស៊ីយល់ថាប្រការសំខាន់យើងពុំត្រឹមពង្រីកបច្ចេកវិទ្យាឈានមុខទាំងឡាយ
និងម៉ូដែលអាវុធស្របទៅតាមការទាមទាររបស់ក្រសួងការពារប្រទេសប៉ុណ្ណោះទេ ក៏ប៉ុន្តែក៏ត្រូវត្រៀមផងដែរផលិតជាខ្សែសង្វាក់ក្នុងគ្រាចង់បាន៕
ចែករំលែកព័តមាននេះ