ខេត្តបន្ទាយមានជ័យ ៖ តាមរបាយការណ៍ពីគណៈកម្មាធិការច្រកទ្វារព្រំដែនអន្តរជាតិប៉ោយប៉ែត ក្នុងអំឡុងខែតុលា ឆ្នាំ២០១៧នេះ អ្នកដំណើរចេញចូលកម្ពុជា-ថៃ តាមច្រកទ្វារអន្តរជាតិ និងច្រកទ្វារតំបន់ មានចំនួន៧១៧.៣៩២នាក់ ក្នុងនោះច្រកទ្វារអន្តរជាតិប៉ោយប៉ែតមានការឆ្លងកាត់ច្រើនជាងគេ ។
គណៈកម្មាធិការច្រកទ្វារព្រំដែនអន្តរជាតិប៉ោយប៉ែត បានបញ្ជាក់ថា ក្នុងអំឡុងខែតុលាឆ្នាំនេះ អ្នកដំណើរចេញចូលច្រកទ្វារអន្តរជាតិ កម្ពុជា-ថៃ មានចំនួន៦៩២.៦១៦នាក់ ក្នុងនោះស្រី៣៤៨.៣២៦នាក់ និងប្រុស៣៤៤.២៩០នាក់ ។ សញ្ជាតិខ្មែរចំនួន៦០២.០២៨នាក់ (ស្រី៣០៤.៣៧៣នាក់), សញ្ជាតិបរទេសចំនួន៩០.៥៨៨នាក់ (ស្រី៤៣.៩៥៨នាក់) និងភ្ញៀវទេសចរបរទេសចំនួន៧៧.៣៣៨នាក់ ។
របាយការណ៍បានបញ្ជាក់ទៀតថា ពលករចេញចូលទៅធ្វើការនៅបរទេស មានចំនួន១២.២៩១នាក់ តាមរយៈក្រុមហ៊ុនចំនួន៣៦និងពលរដ្ឋថៃចូលមកលេងកាស៊ីណូ មានចំនួន៣៦.៥៧២នាក់ (ស្រី២១.០០២នាក់) និងថៃចេញចូលមានចំនួន៣៦.៣៣២នាក់, ពលរដ្ឋខ្មែរឆ្លងដែនខុសច្បាប់ អាជ្ញាធរថៃចាប់បញ្ជូនមកមាន៨៦លើក ស្មើ៣.៥៣៨នាក់ ស្រី១.១៥៧នាក់ និងកុមារ៣៨៧នាក់ ។
ដោយឡែក នៅច្រកទ្វារតំបន់ព្រំដែនម៉ាឡៃស្រុកម៉ាឡៃ មានអ្នកដំណើរឆ្លងកាត់កម្ពុជា-ថៃមានចំនួន២២.០៥៥នាក់ ស្រី១៣.០៧៧នាក់ កុមារ៨៤៩នាក់ ក្នុងនោះមានសញ្ជាតិខ្មែរចំនួន២១.៤៤៩នាក់ (ស្រី១២.៨៤៧នាក់) សញ្ជាតិបរទេសមានថៃចំនួន៦០៦នាក់ (ស្រី២៣០នាក់) និងមធ្យោបាយចេញ-ចូលចំនួន៣២៣គ្រឿង និងមនុស្ស១.៤២៥នាក់ (ស្រី៧៧៣នាក់) ។
ច្រកទ្វារតំបន់ព្រំដែនបឹងត្រកួន ស្រុកថ្មពួក អ្នកដំណើរចេញចូលកម្ពុជា-ថៃ មានចំនួន២.៧២១នាក់ និងប្រជាពលរដ្ឋថៃចូលមកកម្ពុជាចំនួន១.១០១នាក់ ៕
ចែករំលែកព័តមាននេះ