រាជធានីភ្នំពេញ ៖ យុវជន២នាក់ជិះម៉ូតូមួយគ្រឿងក្នុងល្បឿនលឿនមិនបានបន្ថយល្បឿនបានបុកម៉ូតូសង់កូរ៉េនៅចំណុវផ្លូវបែកជាបួន បណ្ដាលឲ្យរងរបួសស្រាលធ្វើឲ្យប្រជាពលរដ្ឋដែលឃើញហេតុការណ៍ស្មានតែជាករណីចោរឆក់កាបូប បាននាំគ្នាស្រែកថាចោរៗ បម្រុងនឹងវាយ ធ្វើឲ្យយុវជនម្នាក់ភ័យពេកបានរត់គេចខ្លួន ហេតុការណ៍នេះបានកើតឡើងកាលពីវេលាម៉ោង១០និង២០នាទីយប់ ថ្ងៃទី២៣ ខែវិច្ឆិកា…
រាជធានីភ្នំពេញ ៖ យុវជន២នាក់ជិះម៉ូតូមួយគ្រឿងក្នុងល្បឿនលឿនមិនបានបន្ថយល្បឿនបានបុកម៉ូតូសង់កូរ៉េនៅចំណុវផ្លូវបែកជាបួន បណ្ដាលឲ្យរងរបួសស្រាលធ្វើឲ្យប្រជាពលរដ្ឋដែលឃើញហេតុការណ៍ស្មានតែជាករណីចោរឆក់កាបូប បាននាំគ្នាស្រែកថាចោរៗ បម្រុងនឹងវាយ ធ្វើឲ្យយុវជនម្នាក់ភ័យពេកបានរត់គេចខ្លួន ហេតុការណ៍នេះបានកើតឡើងកាលពីវេលាម៉ោង១០និង២០នាទីយប់ ថ្ងៃទី២៣ ខែវិច្ឆិកា ឆ្នាំ២០១៧ តាមបណ្តោយផ្លូវ១៣កែងផ្លូវ១០៦ នៅក្រោយផ្សាររាត្រី ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុ គេបានឃើញបុរសម្នាក់ដឹកស្ត្រីម្នាក់ជិះម៉ូតូម៉ាកសង់កូរ៉េ ពណ៌ឈាមជ្រូក អត់មានស្លាកលេខ ធ្វើដំណើរមកតាមបណ្ដោយផ្លូវ១០៦ ក្នុងទិសដៅពីកើតទៅលិច ខណៈពេលបើកមកដល់ចំណុចផ្លូវបែកជាបួន ស្រាប់តែមានយុវជន២នាក់ជិះម៉ូតូមួយគ្រឿងម៉ាកសង់ប៊ិច ពណ៌ខ្មៅ ពាក់ស្លាកលេខ ភ្នំពេញ ១BK-៤១៧៤ ធ្វើដំណើរតាមបណ្ដោយផ្លូវ១៣ ក្នុងទិសដៅពីត្បូងទៅជើង ក្នុងល្បឿនយ៉ាងលឿនមកដល់ផ្លូវបែកជាបួនមិនបានបន្ថយល្បឿននោះទេ ក៏ជ្រុលទៅបុកម៉ូតូសង់កូរ៉េចំពាក់កណ្ដាលពេញទំហឹង បណ្ដាលឲ្យដួលទាំងសងខាង សំណាងល្អហើយមិនមាននរណាម្នាក់រងរបួសធ្ងន់នោះទេ គ្រាន់តែរលាត់ដៃរលាត់ជើងតែប៉ុណ្ណោះ ភ្លាមៗនោះដែលរប្រជាពលរដ្ឋស្មានថាយុវជន២នាក់នោះជាចោរឆក់កាបូបស្ត្រីរងគ្រោះ ក៏នាំគ្នាស្រែកថាចោរៗបម្រុងនឹងព្រួតដេញវាយ ធ្វើឲ្យខាងយុវជនម្នាក់ទៀតភ័យពេក ក៏រត់គេចខ្លួនបាត់ បន្សល់ទុកនៅតែមិត្តភក្តិជាម្ចាស់ម៉ូតូនៅនឹងកន្លែងកើតហេតុ ចំណែកម៉ូតូភាគីទាំងសងមិនមានខូចខាតអីធ្ងន់ធ្ងរនោះទេ ក្រោយមកសមត្ថកិច្ចបានមកដល់សួរនាំទៅដឹងថា គ្រោះថ្នាក់ចរាចរណ៍ក៏ជួយសម្របសម្រួលភាគីទាំងសងខាងឲ្យចរចាគ្នា ។
ក្រោយពេលកើតហេតុ ខាងភាគីម៉ូតូបង្កសុំចេញថ្ងៃព្យាបាលឲ្យជនរងគ្រោះ ហើយខាងរងគ្រោះព្រមទទួលយកបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ