រាជធានីភ្នំពេញ ៖ បើតាមសេចក្តីរាយការណ៍បឋមបានឲ្យដឹងថា មុននេះបន្តិចមានគ្រោះថ្នាក់ចរាចរណ៍ដ៏រន្ធត់មួយ ខណៈកម្មករស៊ីឈ្មួល២នាក់បានជិះម៉ូតូទៅបោចមាន់ទា ស្រាប់តែត្រូវរថយន្តបុកពីក្រោយយ៉ាងពេញទំហឹង ដែលរថយន្តបើកយ៉ាងលឿនទើប បណ្តាលឲ្យស្លាប់ភ្លាមៗនៅនឹងកន្លែង ហេតុការណ៍នេះកើតឡើងនៅវេលាម៉ោង៤ជាងល្ងាច ថ្ងៃទី២៣…
រាជធានីភ្នំពេញ ៖ បើតាមសេចក្តីរាយការណ៍បឋមបានឲ្យដឹងថា មុននេះបន្តិចមានគ្រោះថ្នាក់ចរាចរណ៍ដ៏រន្ធត់មួយ ខណៈកម្មករស៊ីឈ្មួល២នាក់បានជិះម៉ូតូទៅបោចមាន់ទា ស្រាប់តែត្រូវរថយន្តបុកពីក្រោយយ៉ាងពេញទំហឹង ដែលរថយន្តបើកយ៉ាងលឿនទើប បណ្តាលឲ្យស្លាប់ភ្លាមៗនៅនឹងកន្លែង ហេតុការណ៍នេះកើតឡើងនៅវេលាម៉ោង៤ជាងល្ងាច ថ្ងៃទី២៣ ខែវិច្ឆិកា ឆ្នាំ២០១៧ នៅចំណុចផ្លូវបេតុង ស្ថិតនៅសង្កាត់សែនសុខ រាជធានីភ្នំពេញ ។
ជនរងគ្រោះដែលស្លាប់ទី១- ឈ្មោះយុម យេ៉ង អាយុ១៨ឆ្នាំ ទី២- ឈ្មោះឆាន ហន អាយុ១៨ឆ្នាំ អ្នកទាំង២ មានមុខរបរជាកម្មករស៊ីឈ្មួលបោចមាន់ទា ស្នាក់នៅផ្សារគីឡូម៉ែត្រលេខ៤ ហើយមានស្រុកកំណើតនៅ ឃុំតាលុន ខេត្តកណ្តាល ។ ចំណែកម្ចាស់រថយន្តមិនត្រូវបានគេស្គាល់ឈ្មោះទេដែលបើករថយន្ត ពណ៌ស ស្លាកលេខ ផ.៣៥៧២ភ្នំពេញ ហើយបានរត់គេចខ្លួនបាត់ស្រមោល ។
តាមប្រភពព័ត៌មានបានឲ្យដឹងទៀតថា មុនពេលកើតហេតុជនរងគ្រោះទាំង២នាក់បានជិះម៉ូតូទៅបោចមាន់ទាស៊ីឈ្មួលឲ្យគេ មិនទាន់ដល់ផងស្រាប់តែត្រូវបានរថយន្តមួយគ្រឿងមកបុកពីក្រោយពេញទំហឹង បណ្តាលឲ្យប៉ើងនិងស្លាប់ភ្លាមៗតែម្តង ។ ខណៈពេលនេះសមត្ថកិច្ចកំពុងស្រាវជ្រាវនិងធ្វើកំណត់ហេតុនៅកន្លែងកើតហេតុ ៕
ចែករំលែកព័តមាននេះ