ខេត្តកំពង់ស្ពឺ ៖ មន្ត្រីនគរបាលប៉ុស្តិ៍មួយរូបបានស្លាប់ពេលបញ្ជូនដល់មន្ទីរពេទ្យបន្ទាប់ពីជួបគ្រោះថ្នាក់ចរាចរណ៍ជិះម៉ូតូបុកសត្វគោដែលរត់ឆ្លងផ្លូវ ។ សពត្រូវបានក្រុមគ្រួសាររៀបចំធ្វើបុណ្យតាមប្រពៃណីដោយមានការចូលរួមរំលែកទុក្ខពីអ្នកតំណាងរាស្ត្រ និងថ្នាក់ដឹកនាំព្រមទាំងអាជីវករមួយចំនួននៅផ្សារកន្ទួតផងដែរ ។ ថវិការចំនួន១៤៥០០០រៀលត្រូវបានលោកអធិការស្រុកនាំយកទៅចូលបុណ្យដល់ផ្ទះមន្ត្រីនគរបាលរងគ្រោះតែម្តង ។
ជនរងគ្រោះឈ្មោះ ទូច សុខុម ភេទប្រុស អាយុ៥២ឆ្នាំ រស់នៅភូមិស្លែងពណ៍ ឃុំព្រៃញាត្តិ ស្រុកគងពិសី ខេត្តកំពង់ស្ពឺ មុខរបរនគរបាលប៉ុស្តិ៍ជិះម៉ូតូ០១គ្រឿង ពណ៍ខ្មៅ ផ្លាកលេខ១H-៦៤៥២ ។
លោកវរសេនីទោ ប៊ុត ប៊ុនធឿនអធិការនគរបាលស្រុកឱរ៉ាល់បានប្រាប់នៅរសៀលថ្ងៃទី២៣ ខែវិច្ឆិកា ឆ្នាំ២០១៧កាលពីវេលាម៉ោង១៨និង១៥នាទីថ្ងៃទី២២ ខែ វិច្ឆកា ឆ្នាំ២០១៧ ចំណុចលើផ្លូវលេខ៤៤ ចន្លោះគីឡូម៉ែត្រលេខ ៤៦-៤៧ ភូមិទួលឈើនាង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។
របាយការណ៍របស់មន្ត្រីនគរបាលឲ្យដឹងថា មន្ត្រីររងគ្រោះមុនពេលកើតហេតុជិះម៉ូតូតែម្នាក់ឯងគោលបំណងល្បាតក្នុងមូលដ្ឋាន ដើម្បីការពារសន្តិសុខសណ្តាប់ធ្នាប់ជូនប្រជាពលរដ្ឋក្នុងមូលដ្ឋាន ។ ពេលល្បាតរួច
ក៏ជិះម៉ូតូទៅប៉ុស្តិ៍សង្កែសាទបវិញ លុះដល់ចំណុចកើតហេតុខាងលើ ស្រាប់តែមានគោរត់ឆ្លងផ្លូវបណ្តាលឲ្យបុកហើយដួលរងរបួសជាទម្ងន់ ។ ក្រោយកើតហេតុគោរត់បាត់ រីឯវត្ថុតាងត្រូវបានយកមករក្សាទុកនៅប៉ុស្តិ៍សង្កែសាទប ។
មន្ទីរពេទ្យរុស្សីបានដឹកជនរងគ្រោះ ត្រឡប់ទៅកាន់លំនៅដ្ឋានកូនចៅ ដោយប្រាប់ថា អស់សង្ឃឹមហើយ រហូតមកដល់ម៉ោង១៣និង២៥នាទីថ្ងៃទី២៣ ខែវិច្ឆិកា ឆ្នាំ២០១៧ លោកទូចសុខុមបានលាចាកលោកនេះទៅហើយ ។ ការបាត់បង់មន្ត្រីនគរបាលធ្វើឲ្យមិត្តរួមអាវុធមានក្តីអាឡោះអាល័យជាពន់ពេក ជាពិសេសគឺក្នុងនាមលោកជាអធិកាតែម្តង ។
លោកអធិការបន្តថា លោកទូចសុខុមគឺជាមន្ត្រីម្នាក់ដែលបម្រើប្រជាពលរដ្ឋអស់ពីកម្លាំងកាយចិត្តមិន ធ្វើឲ្យប្រជាពលរដ្ឋមូលដ្ឋានមានការថ្នាក់ថ្នែងជាមួយលោកម្តងណាឡើយ ។ មរណៈភាពរបស់លោកទូចសុខុម បានធ្វើឲ្យមានការយកចិត្តទុកដាក់ និងចូលរួមរំលែកទុក្ខដល់គ្រួសារសពផងដែរ ក្នុងនាមលោកជាអធិការនគរបាលស្រុកក៏បាននាំយកថវិការ ឧកញ៉ាលី យ៉ុងផាត់ចំនួន៥០០០០០រៀលថវិការអធិការដ្ឋានស្រុក៤៥៥០០០រៀល ថវិការរបស់ក្រុមអាជីករនៅផ្សារកន្ទួត៤៥០០០០រៀល ដើម្បីចូលរួមរំលែកទុក្ខដល់ក្រុមគ្រួសារមន្ត្រីខាងលើផងដែរ ៕
ចែករំលែកព័តមាននេះ