មួយរយៈចុងក្រោយមកនេះ មានហេតុការណ៍ភ្លើងឆេះនៅក្នុងស្ថានីយប្រេងឥន្ធនៈជាញឹកញាប់នៅក្នុងប្រទេសថៃ ។ ករណីភាគច្រើនកើតមកពីការធ្វេសប្រហែសរបស់ម្ចាស់រថយន្ត ដែលមិនប្រតិបត្តិតាមច្បាប់របស់ស្ថានីយប្រេង ហើយបណ្តាលឲ្យខូចខាតដល់ទ្រព្យសម្បត្តិជាបន្តបន្ទាប់ ។ តើយើងគួរប្រុងប្រយ័ត្នអ្វីខ្លះ នៅពេលកំពុងចាក់ប្រេង ?…
មួយរយៈចុងក្រោយមកនេះ មានហេតុការណ៍ភ្លើងឆេះនៅក្នុងស្ថានីយប្រេងឥន្ធនៈជាញឹកញាប់នៅក្នុងប្រទេសថៃ ។ ករណីភាគច្រើនកើតមកពីការធ្វេសប្រហែសរបស់ម្ចាស់រថយន្ត ដែលមិនប្រតិបត្តិតាមច្បាប់របស់ស្ថានីយប្រេង ហើយបណ្តាលឲ្យខូចខាតដល់ទ្រព្យសម្បត្តិជាបន្តបន្ទាប់ ។
តើយើងគួរប្រុងប្រយ័ត្នអ្វីខ្លះ នៅពេលកំពុងចាក់ប្រេង ? ហើយជឿជាក់ថា មនុស្សភាគច្រើនមិនបានអនុវត្ត ។
១-មិនជក់បារី ៖
វាជាច្បាប់គោលតូចមួយសម្រាប់ការមិនជក់បារីនៅក្នុងបរិវេណចាក់ប្រេង ដោយសារនៅកន្លែងខ្លះអាចមានប្រេងកំពប់ ហើយបង្កើតចំហាយប្រេងដែលយើងមើលមិនឃើញ វានឹងធ្វើឲ្យកើតភ្លើងឆេះបាន ។
២-មិននិយាយទូរស័ព្ទ ៖
មានព័ត៌មានជាញឹកញាប់រឿងការឆេះជាអណ្តាតភ្លើង ក្រោយការប្រើប្រាស់ទូរស័ព្ទដៃនៅជិតឧបករណ៍ចាក់ប្រេង ដោយសារសេវាទូរស័ព្ទអាចមានប្រតិកម្មជាមួយប្រេង រហូតដល់បណ្តាលឲ្យភ្លើងឆេះ ។ ដូច្នេះ អ្នកគួរតែបិទទូរស័ព្ទមុននឹងចាក់ប្រេង ឬបើមានគេទូរស័ព្ទចូលមកខណៈកំពុងចាក់ប្រេងនោះ ក៏មិនគួរទទួលជាដាច់ខាត និងគួរតែដាក់ទូរស័ព្ទដៃរបស់អ្នកក្នុងរថយន្តប៉ុណ្ណោះ ។
៣-ត្រូវពន្លត់ម៉ាស៊ីនរថយន្ត ៖
ពិតហើយ ការបញ្ឆេះម៉ាស៊ីនចោល អាចគ្មានផលដល់ការកើតភ្លើងឆេះពីប្រេងខ្លាំងប៉ុន្មានទេ ប៉ុន្តែដោយសារអាកាសធាតុក្តៅខ្លាំងនោះ កម្លាំងថាមពលនៅក្នុងធុង ដែលបំភាយចំហាយស្ងួតពីប្រេងជាបន្តបន្ទាប់ ខណៈពេលកំពុងចាក់ប្រេង វាអាចធ្វើឲ្យកើតគ្រោះថ្នាក់ដោយនឹកស្មានមិនដល់ ។ ដើម្បីចៀសវាងគ្រោះថ្នាក់ទាំងនេះ អ្នកអាចពន្លត់ម៉ាស៊ីនយានយន្តរបស់ខ្លួន ។
៤-មិនចាក់ប្រេងក្នុងធុងជ័រប្លាស្ទិក ៖
ការចាក់ប្រេងនៅក្នុងធុងជ័រប្លាស្ទិក គឺចាត់ទុកជារឿងគ្រោះថ្នាក់ជាងការគិតទៅទៀត ព្រោះបើមើលសើៗទៅ វាអាចគ្មានកត្តាដែលបង្កឲ្យកើតអគ្គិភ័យនោះទេ ។ ប៉ុន្តែធុងជ័រប្លាស្ទិកអាចពេញទៅដោយចរន្តភ្លើងដែលមើលមិនឃើញ ហើយបង្កឲ្យភ្លើងឆេះបានដូចគ្នា ។
៥-ប្រុងប្រយ័ត្នចរន្តភ្លើងឲ្យល្អ ៖
ក្រៅពីធុងជ័រប្លាស្ទិកហើយ នៅមានសម្ភារជាច្រើនទៀតដែលបណ្តាលឲ្យភ្លើងឆេះដោយងាយ ដូចជា សម្លៀកបំពាក់ និងកាបូបជាដើម។ បើសម្ភារទាំងនេះទៅប៉ះជាប់ជាមួយចំហាយប្រេងដែលយើងមើលមិនឃើញ វានឹងធ្វើឲ្យភ្លើងឆេះ ៕
ចែករំលែកព័តមាននេះ